Pačatkovaja cana dvuchpakajovaj kvatery dački biznesoŭca Juryja Aviarjanava Viktoryi Aviarjanavaj — amal 200 tysiač dalaraŭ. Infarmacyja pra aŭkcyjon źjaviłasia na placoŭcy «Bielurzabieśpiačeńnie», zaŭvažyła «Narodnaja Vola».
Dvuchpakajoŭka ahulnaj płoščaj amal 80 kvadratnych mietraŭ pa adrasie Kirava, 51. Piacipaviarchovy dom 1958 hoda pabudovy znachodzicca pobač sa Śvisłačču, na skryžavańni vulic Kirava i Kupały.
U kvatery — niadrenny ramont, zroblena, ale nie zaćvierdžana pierapłaniroŭka — sanvuzieł z sumieščanaha zrabili raździelnym, pavialičyli płošču kalidora i pieranieśli pieraharodki, zrabili harderobnuju.
Siarod składanaściaŭ — aryšt śledčych orhanaŭ, zabarona ździajśnieńnia rehistracyjnych dziejańniaŭ sudovaha vykanaŭcy. U kvatery zarehistravany adzin niepaŭnaletni.
U abjavie ab tarhach napisana, što kvatera Viktoryi Aviarjanavaj. Jana była kiraŭnicaj kłubaŭ Madison, «Afryka» i inšych. U 2020 hodzie Viktoryju prysudzili da troch hadoŭ kałonii za ŭchileńnie ad vypłaty padatkaŭ, ale skaracili adzin hod pa amnistyi.
Viktoryja Aviarjanava — dačka biznesmiena Juryja Aviarjanava. Jon adzin ź pieršych dalaravych miljanieraŭ Biełarusi, eks-uładalnik aŭtarynku ŭ Malinaŭcy, budaŭničaha rynku va Uruččy, parka Dreamland, kłuba Madison i inšych zabaŭlalnych ustanoŭ u Miensku. U 2010-ch u biznesoŭca pačalisia prablemy praź vialikija ŭkładańni ŭ pašyreńnie «Drymłenda», a ŭ 2016 hodzie kampaniju Aviarjanava «Rastem» pryznali bankrutam. Biznesoviec źjechaŭ u Jeŭropu.
U 2017 hodzie ŭ dačynieńni da Juryja Aviarjanava i niekalkich kiraŭnikoŭ kamiercyjnych struktur raspačali kryminalnuju spravu ŭ suviazi z uchileńniem ad vypłaty padatkaŭ. Paźniej abvinavačvańnie ŭ dačynieńni da Aviarjanava pašyryli jašče i za złoŭžyvańnie słužbovymi paŭnamoctvami. Aviarjanaŭ byŭ abvieščany ŭ mižnarodny vyšuk i jaho zatrymlivali ŭ Bierlinie. Miensk damahaŭsia ekstradycyi biznesoŭca na radzimu, ale hetaha nie adbyłosia.
Pačatkovaja cana kvatery — 190 884 dalary.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary