«Dniami pabačycie». Budanaŭ anansavaŭ prablemy ŭ anieksavanym Krymie
Kiraŭnik Hałoŭnaha ŭpraŭleńnia raźviedki Minabarony Ukrainy adznačyŭ, što mnohija ludzi na paŭvostravie čakajuć vyzvaleńnia.
Kiraŭnik Hałoŭnaha ŭpraŭleńnia raźviedki Minabarony Ukrainy Kiryła Budanaŭ zahadkava anansavaŭ, što «dniami» ŭkrainski narod «ubačyć», jak u Krymie źniščajuć zachopnikaŭ.
Pra heta jon skazaŭ u kamientary kanału ICTV na centralnaj płoščy deakupavanaha Irpienia paśla ŭźniaćcia krymska-tatarskaha ściaha pierad meryjaj horada.
Jak adznačyŭ Budanaŭ, «jość, na žal, tyja, što vielmi bajacca deakupacyi Kryma, ale jość i šmat ludziej, jakija čakajuć».
«I treba dać im upeŭnienaść, što ich nadziei nie marnyja. Voś dla taho my i pavinny pravodzić takija mierapryjemstvy, jak Krymskaja płatforma, mierapryjemstvy, skažam tak, z rucham supracivu na časova akupavanych terytoryjach. Prosta źniščać akupantaŭ u našym Krymie. Što, u pryncypie, vy bačycie, i dniami jašče ŭbačycie», — skazaŭ jon.
Ciapier čytajuć
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna8
Kamientary