Kiraŭnik Hałoŭnaha ŭpraŭleńnia raźviedki Minabarony Ukrainy Kiryła Budanaŭ miarkuje, što paśla sproby buntu PVK «Vahnier» rasijskaja FSB atrymała zadańnie likvidavać Jaŭhiena Pryhožyna.
«My nie možam kazać pra ich surjozny ŭpłyŭ [na vajnu Rasii suprać Ukrainy — HUR], bo ŭsie hetyja padziei doŭžylisia vielmi karotki pieryjad času. Zrešty, była naniesienaja peŭnaja škoda Pavietrana-kaśmičnym siłam RF. Pa-druhoje, my nie čakajem źjaŭleńnia PVK «Vahnier» va Ukrainie jak asobnaha subjekta, jaki vykonvaje ŭłasnyja apieracyi. Dla nas hety faktar vielmi važny.
…My viedajem, što zadaču zabić Pryhožyna daručyli FSB. Ci buduć jany paśpiachovyja ŭ hetym? Čas pakaža. Tak ci inakš, usie patencyjnyja zamachi na zabojstva nie buduć chutkimi. Im spatrebicca niekatory čas, kab raspracavać adpaviednyja padychody i dasiahnuć stadyi, kali jany buduć hatovyja da bujnamaštabnaj apieracyi. Ale ja chacieŭ by padkreślić, što heta vialikaje adkrytaje pytańnie. Ci atrymajecca im heta ažyćciavić? Ci advažacca jany vykanać hety zahad?» — skazaŭ Kiryła Budanaŭ u intervju The War zone.
Jon dadaŭ, što lubyja dziejańni, skiravanyja na destabilizacyju ŭnutry Rasii, karysnyja dla Ukrainy.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary