Łatvijskija pamiežniki ŭ aŭtorak zajavili, što padčas zatrymańnia ludziej, jakija niezakonna pranikli na terytoryju Łatvii ź Biełarusi, jany zrabili papieradžalny streł u pavietra. Heta ŭžo druhi papieradžalny streł na miažy za dva tydni.
U niadzielu padčas manitorynhu situacyi na miažy ź Biełaruśsiu vajskoŭcy ŭ rajonie horada Silenie zaŭvažyli prykmiety niezakonnaha pierasiačeńnia dziaržaŭnaj miažy. U pošukach ludziej, jakija mahli trapić u Łatviju, byli zadziejničanyja słužbovyja sabaki, paviedamiŭ achoŭnik.
U Silenie byli zatrymanyja čaćviora hramadzian Konha i adzin sieniehalec. Mužčyny nie padparadkavalisia zahadam pamiežnikaŭ i ŭciakli. Kab ich spynić, pamiežniki zrabili papieradžalny streł u pavietra. Zatrymanych viarnuli ŭ Biełaruś.
Raniej u niadzielu pra situacyju paviedamiŭ kiraŭnik pamiežnaj słužby Huncis Pujats. Pavodle jaho acenki, apošnim časam mihranty stanoviacca ŭsio bolš ahresiŭnymi, nie vykonvajuć zahadaŭ pamiežnikaŭ, a pry zatrymańni sprabujuć uciačy.
Raniej pra nieabchodnaść rabić papieradžalny streł u pavietra łatvijskija pamiežniki kazali 10 žniŭnia.
Pavodle acenak łatvijskaj pamiežnaj słužby, u hety paniadziełak była adna z samych bujnych sprobaŭ niezakonnaha pierasiačeńnia miažy ź Biełarusi ŭ Łatviju za apošni čas — 107 vypadkaŭ.
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?12
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3232
Kamientary