Ci moh vyžyć hieroj Dzi Kaprya z «Tytanika»? U pytańni pastaŭlenaja kropka
Śmierć Džeka ŭ finale «Tytanika» navat praz 25 hadoŭ nie daje spakoju mnohim fanatam filma. I režysior Džejms Kemieran nastolki stamiŭsia ad abmierkavańniaŭ hetaha momantu, što pravioŭ śpiecyjalny navukovy ekśpierymient. Jaho vynik — u Džeka nie było šancaŭ vyžyć paśla krušeńnia karabla, piša «Čempijanat».
Prychilniki filma byli ŭpeŭnienyja, što hieroj Leanarda Dzi Kaprya moh umiaścicca na dźviarach, i tady jany razam z Roŭz u vykanańni Kiejt Uinślet pieražyli b katastrofu. Raniej Kemieran adniekvaŭsia ad pytańnia, nazyvajučy mastackija pryčyny takoha rašeńnia. Adnak zaraz jon hatovy dakazać i advarotnaje.
Dla hetaha Kemieran i kamanda adnavili dźviery ź filma i ŭziali dvuch kaskadzioraŭ padobnaj masy cieła, što byli ŭ Kiejt i Lea na momant zdymak «Tytanika», raźmiaścili na ich śpiecyjalnyja sensary i «pratestavali» situacyju.
I paśla mnostva ekśpierymientaŭ, adkaz byŭ vidavočny: udvaich jany nie mohuć vyžyć. Vyžyć moh tolki adzin.
Śpiecyjalny mini-dakumientalny film ab hetym ekśpierymiencie vyjdzie ŭ lutym. Sam Kemieran adznačaje, što da hetaha času nie škaduje ab rašeńni zabić Džeka.
«Jon pavinien byŭ pamierci. Heta ž «Ramea i Džuljeta». Hety film pra kachańnie, achviarnaść i śmierć. Kachańnie vymiarajecca achviarnaściu», — skazaŭ režysior.
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku16
Kamientary
na vašu ̶P̶O̶biedu
ja baču
ŭ
s
jo