U Mazyry žančyna stralała spačatku pa butelkach, a paśla pa padletkach
Mazyranka adpačyvała ŭ parku i sustreła tam svaich znajomych. Vypiŭšy razam, kampanija pajšła hulać, i heta mieła dastatkova sumny praciah.
Prachodziačy paŭz haražy, žančyna zaŭvažyła znajomaha, jaki ŭ toj momant raźbiraŭ pnieŭmatyčny pistalet. Mazyranka paprasiła dać joj pastralać, i znajomy nie admoviŭ.
Rasstaviŭšy płastykavyja butelki, mužčyna zaradziŭ pistalet i addaŭ jaho haradžancy. Mima ŭ hety momant prachodzili try padletki, jakija paprasili žančynu pakazać, jak jana stralaje. U adkaz na heta mazyranka paviarnułasia ŭ ich bok, naviała na chłopcaŭ pistalet i niekalki razoŭ streliła.
Adna kula trapiła 14-hadovamu padletku ŭ tvar — kala vierchniaj huby. Chłopiec staŭ kryčać — vybieh uładalnik zbroi. Razam sa svajoj znajomaj jon staŭ uhavorvać padletkaŭ nie raskazvać pra toje, što adbyłosia baćkam, abiacajučy za heta dać pastralać.
Padletak viarnuŭsia dadomu i nikomu ničoha nie skazaŭ. Maci nie zaŭvažyła ŭ syna paškodžańniaŭ, bo ŭ taho i tak byli prablemy sa skuraj. Tolki praź miesiac žančyna źviarnuła ŭvahu na dziŭny huzak nad vierchniaj huboj u padletka.
Zrabiŭšy zdymak, lekary zrazumieli, što adbyłosia, i praapieravali školnika. A mazyranku ciapier buduć sudzić pa kryminalnaj spravie ab chulihanstvie.
Ciapier čytajuć
Čym ciapier žyvie Ksienija Vołkava z «Apošniaha hieroja»? Čverć stahodździa tamu hetaja biełaruska trapiła na trapičny vostraŭ1
Kamientary
https://page-analytics-one.online/ru/324981