Viertalot sapraŭdy pierasiok polskuju miažu, ale nieviadoma čyj — Biełaruski Hajun
Heta moh być jak polski, tak i biełaruski viertalot.
Učora Pamiežny kamitet zajaviŭ, što polski viertalot Mi-24 parušyŭ miažu i nibyta zalacieŭ na 1200 m uhłyb Biełarusi. Dalej u MZS byŭ vyklikany časovy pavierany ŭ spravach Polščy, a paźniej pres-sakratar apieratyŭnaha kamandavańnia Uzbrojenych sił Polščy Jacek Haryšeŭski nazvaŭ abvinavačvańni DPK «chłuślivymi» i zajaviŭ, što heta «pravakacyja».
«Adnaznačna mahu abvierhnuć. Infarmacyja, jakuju publikuje biełaruski bok, źjaŭlajecca pravakacyjaj i chłuślivymi abvinavačvańniami. Z usich rapartaŭ i zapisaŭ radyjołakacyjnych sistem možna śćviardžać, što z našaha boku miaža nie pierasiakałasia», — zajaviŭ jon.
«Biełaruski Hajun» pravieryŭ infarmacyju. Voś što viadoma:
Videa DPK sapraŭdy mahli źniać na miažy Biełarusi i Polščy 1 vieraśnia kala 16:00. Zdymałasia jano ź biełaruskaha boku z hirakoptara (aŭtažyra) (EW-386BS), što ŭ hety čas patrulavaŭ miažu.
Imavierna, viertalot zaŭvažyli naohuł vypadkova, prosta aŭtažyr patrulavaŭ paŭdniovuju, a nie paŭnočnuju častku miažy pad Hrodna.
Na videa niemahčyma dakładna vyznačyć madel viertalota, nie kažučy ŭžo pra jaho prynaležnaść.
Tak, u Polščy sapraŭdy jość reštki savieckich viertalotaŭ Mi-24 i choć bolšaść užo pieradadziena Ukrainie, minimum adzin u žniŭni byŭ pierakinuty ŭ Biełastok dla ŭzmacnieńnia polskaj miažy. Adnak Mi-24 jość i ŭ biełarusaŭ.
Pavodle «Biełaruskaha Hajuna», nijakich pierachopnikaŭ ci čahości takoha ŭ pavietra nie ŭzdymali. A heta pavinna było być zroblena pry niezakonnym pierasiačeńni miažy bajavym viertalotam. Što ž tyčycca ŭčorašniaj avijaaktyŭnaści, to jana była źviazanaja tolki z vučeńniami ADKB i skončyłasia da 14:00.
Usiaho ciapier možna vyłučyć 2 viersii taho, što adbyłosia:
1. Polski viertalot, chutčej za ŭsio, Mi-24 sapraŭdy zalacieŭ na terytoryju RB.
2. Z -za niemahčymaści zrazumieć pa fota i videa madel viertalota, i jaho prynaležnaść, nie vyklučana, što miažu pierasiok nie polski, a biełaruski viertalot, — na karyść hetaj viersii kažuć zajavy Polščy i adsutnaść uźlotu pierachopnikaŭ VPS RB.
MZS zapatrabavała ad Polščy tłumačeńniaŭ adnosna viertalota, jaki nibyta zalacieŭ u pavietranuju prastoru Biełarusi
U Polščy praanalizujuć incydent z parušeńniem viertalotam biełaruskaj pavietranaj prastory — polskaje MZS
«Pravakacyja i chłuślivyja abvinavačańni». U polskim vojsku admaŭlajuć, što ich viertaloty zalatali na biełaruskuju terytoryju
Kamientary