U Minsku złavili junaka-začepiera, jaki kataŭsia zvonku elektryčki
U niadzielu viečaram na liniju «102» pastupiła paviedamleńnie, što na sčepcy zvonku elektryčki Maładziečna — Minsk jedzie padletak. Pryčapiŭsia jon na stancyi «Ždanovičy», kali elektryčka išła ŭ bok Masiukoŭščyny.
Skrynšot videa minskaj milicyi
16-hadovy minčuk, paśla taho, jak jaho złavili, pryznaŭsia, što chacieŭ paŭtaryć ubačanaje ŭ internecie i nie dumaŭ, što moža być traŭmavany, paviedamlaje staličnaja milicyja.
U milicyi nahadvajuć dzieciam i baćkam, što zhodna z artykułam 18.3 Kodeksa ab administracyjnych pravaparušeńniach parušeńnie praviłaŭ karystańnia transpartnymi srodkami čyhunačnaha transpartu ciahnie nakładańnie štrafu da troch bazavych vieličyń.
Ale hałoŭnaje, takija ekstremalnyja zabavy mohuć pryvieści da traŭmavańnia abo śmierci.
Kamientary