7 čałaviek u biełaruskaj formie i bałakłavach atakavali polskich pamiežnikaŭ — Pamiežnaja słužba Polščy
Hrupa nieviadomych ludziej u biełaruskaj vajskovaj formie i z zamaskavanymi tvarami napali na polski pamiežny patrul. Hety incydent adbyŭsia ŭ subotu ŭviečary, aficyjna paviedamlaje pamiežnaja słužba Polščy.
«Kala 21:00 (pa polskim časie) niepadalok ad nasielenaha punkta Dubičy-Carkoŭnyja 7 čałaviek u biełaruskaj formie i bałakłavach pačali stralać z rahatak u polskich pamiežnikaŭ i ślapić ich śpiecyjalnymi lichtarykami. Nieviadomyja asoby rabili heta z terytoryi Biełarusi», — raspaviała polskaja pamiežnaja słužba.
Pa infarmacyi viedamstva, na miesca zdareńnia adrazu była adpraŭlenaja śpiecmašyna. Nichto z polskich pamiežnikaŭ pry napadzie nie paciarpieŭ.
Nahadajem, što praz pastajannyja sproby niezakonnaha pierasiačeńnia polska-biełaruskaj miažy i najaŭnaść u Biełarusi rasijskich najmitaŭ PVK «Vahnier» Polšča pačała istotna pavialičvać kolkaść svaich uzbrojenych sił pobač ź Biełaruśsiu i navat prapracoŭvała płan poŭnaha zakryćcia miažy (ale ciapier situacyja pierastała być mocna napružanaj).
U dadatak da hetaha polskija ŭłady vykazali žadańnie raźmiaścić u siabie amierykanskuju jadziernuju zbroju ŭ adkaz na raźmiaščeńnie takoj ža ŭ Biełarusi z boku Rasii.
Ciapier čytajuć
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary