Azierbajdžan pačaŭ «antyterarystyčnyja mierapryjemstvy łakalnaha charaktaru ŭ Karabachu dla adnaŭleńnia kanstytucyjnaha ładu». Pra heta zajaviła Minabarony krainy.
U metach «spynieńnia šyrokamaštabnych pravakacyj», «razzbrajeńnia i vyvadu farmavańniaŭ Uzbrojenych Sił Armienii z našych terytoryj», «niejtralizacyi» vajennaj infrastruktury i zabieśpiačeńnia biaśpieki mirnych hramadzian Azierbajdžana «ŭ rehijonie pačaty antyterarystyčnyja mierapryjemstvy łakalnaha charaktaru», zajaviła Azierbajdžanskaje Minabarony.
U Nahornym Karabachu hučyć pavietranaja tryvoha. Čuvać artyleryjskaja kananada, paviedamlajuć infarmacyjnyja ahienctvy.
Mash paviedamlaje, što ŭ Ściepanakiercie prablemy z mabilnaj suviaźziu.
Azierbajdžanskija ŚMI apublikavali videa, na jakim, jak śćviardžajecca, pakazany momant źniščeńnia zienitna-rakietnaha kompleksu «Tor» armianskaj armii ŭ Nahornym Karabachu.
MZS Azierbajdžana zajaviła, što adzinym šlacham da miru ŭ Nahornym Karabachu źjaŭlajecca poŭny vyvad armianskich US i rospusk režymu ŭ Ściepanakiercie (stalica rehijona).
U Ministerstvie abarony Armienii paviedamili, što Azierbajdžan siońnia ranicaj raspaŭsiudziŭ dezynfarmacyju — u pryvatnaści, ab abstrele azierbajdžanskich pazicyj minułaj nočču.
Paźniej Minabarony Armienii acaniła situacyju na miežach krainy na fonie abvastreńnia situacyi jak «adnosna stabilnuju».
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary