Baćku palitźniavolenaha Mikity Załatarova asudzili čaćviorty raz zapar
Michaiła Łapunova trojčy abvinavačvali pa č. 1 art. 19.11 KaAP (raspaŭsiud ekstremisckich materyjałaŭ). Jon pravioŭ za kratami ŭžo 45 sutak.
22 vieraśnia, napiaredadni vychadu paśla adbyćcia treciaha zapar administracyjnaha aryštu, u sudzie Centralnaha rajona sudździa Siarhiej Karmanovič razhledzieŭ jašče adnu administracyjnuju spravu, zaviedzienuju ŭ adnosinach da Michaiła. Jon znoŭ byŭ pryznany vinavatym u ździajśnieńni pravaparušeńnia i čaćviorty raz adpraŭleny za kraty, piša «Homielskaja viasna».
Syn Michaiła — Mikita — adzin z samych maładych zatrymanych u vyniku pratestaŭ 2020 hoda.
Na toj momant 16-hadovaha Mikitu, chvoraha na epilepsiju, abvinavacili ažno pa troch artykułach Kryminalnaha kodeksa. Paźniej na chłopca zaviali jašče adnu kryminalnuju spravu — za toje, što jon nibyta napaŭ na supracoŭnika SIZA i pahražaŭ jaho rodnym. Ahulny termin pakarańnia dla Mikity skłaŭ 4 hady i 6 miesiacaŭ vychavaŭčaj kałonii.
U žniŭni 2022 hoda Mikitu Załatarovu ŭzmacnili režym i pieraviali z mahiloŭskaj papraŭčaj kałonii № 15 u žodzinskuju turmu № 8.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia15
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
Kamientary