Za vierasień u lesie zabłukała 60 čałaviek. Ratavalniki dali niekalki parad na vypadak, kali vy zhubilisia
Biełarusy chodziać u hryby ŭ lasy i hublajucca, tolki z pačatku vieraśnia zafiksavana 60 takich vypadkaŭ. U MNS źviarnuli ŭvahu na toje, što ludzi nie bajacca zabłukać i iduć šukać hryby, ale darohi dadomu nie znachodziać.
«Tolki z pačatku vieraśnia ŭ lasach zhubiłasia 60 čałaviek, a za hety jašče nie zavieršany tydzień užo 10 čałaviek źviarnulisia pa dapamohu, kab vyjści z huščaroŭ», — havorycca ŭ paviedamleńni.
Čaściej za ŭsio hublajucca piensijaniery.
U viedamstvie rekamiendujuć papiarednie vyvučyć kartu miascovaści, kudy hrybniki źbirajucca iści. Adzieńnie varta vybirać jarkaje, kab nie źlivacca ź lesam, a abutak pavinien być niepramakalny.
Nie lišnie ŭziać z saboj lichtaryk, zapałki, nož, zapas ježy, srodki ad nasiakomych.
Pierad tym, jak iści ŭ les, pažadana raskazać svajakam, siabram ci susiedziam, kudy mienavita vy idziacie.
Važna, kab telefon byŭ całkam zaradžanym, a ŭ lesie nie varta zbočvać z prataptanych ściežak.
«Kali vy ŭsio ž zabłukali, zastavajciesia na miescy i pasprabujcie źviazacca z ratavalnikami pa mabilnym telefonie», — rajać u MNS.
Taksama rekamiendujuć śvistać i kryčać — dla taho, kab pryciahnuć uvahu. Akramia taho, varta prysłuchoŭvacca da navakolnych hukaŭ, jakija dapamohuć vyznačyć kirunak da najbližejšaha nasielenaha punkta.
Ciapier čytajuć
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma15
Pakalečanaja ŭ Dubai ŭkrainskaja madel śćviardžaje, što adnym ź jaje kataŭ byŭ 28-hadovy biełaruski temščyk. Voś što pra jaho viadoma
Piśmieńnica Taćciana Zamiroŭskaja raskazała pra novuju knihu, sny pra Łukašenku, košt žyćcia ŭ Ńju-Jorku i toje, čamu złuje na niekatorych biełarusaŭ1313
Kamientary