Pryrost VUP na 3,8%, inflacyja 6%. Zaćvierdzili ekanamičnyja prahnozy na 2024 hod
Alaksandr Łukašenka 2 kastryčnika padpisaŭ ukaz № 307, jakim zaćvierdžany najvažniejšyja prahnoznyja paramietry raźvićcia krainy na 2024 hod.
Hałoŭnymi metami ekanamičnaj palityki budučaha hoda zajavili «zabieśpiačeńnie ŭstojlivaści ekanomiki i rost dabrabytu nasielnictva».
Pryrost VUP u 2024-m prahnazujecca na 3,8%, a dasiahnuć hetaha źbirajucca za košt «maštabnych inviestycyjna-vytvorčych prahram, realizacyi biełaruskaj pradukcyi na źniešnija rynki i pašyreńnia ŭnutranaha popytu».
Inviestycyi ŭ asnoŭny kapitał majuć pavialičycca na 3,9% u supastaŭnych umovach, ekspart tavaraŭ i pasłuh — na 7,6%, realnyja najaŭnyja hrašovyja dachody nasielnictva — na 3,5%.
Inflacyju płanujecca ŭtrymać na ŭzroŭni, jaki nie pieravyšaje 6%.
Rost realnaha zarobku, pavodle raźliku stvaralnikaŭ płana, składzie 103,9%, naminalny naličany siaredniamiesiačny zarobak pa krainie pavialičycca da 2087 rubloŭ, u biudžetnym siektary — da 1634.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3838
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii38
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4646
Kamientary