U Nacyjanalnym mastackim pracuje vystava, pryśviečanaja Drazdoviču
13 kastryčnika spaŭniajecca 135 hadoŭ z dnia naradžeńnia biełaruskaha žyvapisca, hrafika, skulptara i falkłarysta.
«Samabytny i ŭnikalny pradstaŭnik ajčynnaj kultury i mastactva, Jazep Drazdovič jašče pry svaim žyćci za raznastajnaść tvorčaha dyjapazonu nabyŭ słavu «biełaruskaha Leanarda da Vinčy». Ci nie samaj ekscentryčnaj stychijaj mastaka staŭ kosmas. Majstar vyvučaŭ astranomiju i navat vydaŭ papularnuju knihu ŭłasnych razvah pra kaśmičnuju prastoru «Niabiesnyja biehi» na biełaruskaj movie», — paviedamlajecca na sajcie muzieja.
Vystava «Kosmas Jazepa Drazdoviča» pracuje da 16 kastryčnika. Na joj pakazany tvory z kalekcyi adździeła staražytnabiełaruskaj kultury Centra daśledavańniaŭ biełaruskaj kultury, movy i litaratury Nacyjanalnaj akademii navuk Biełarusi.
Uvazie naviedvalnikaŭ taksama prapanujucca karciny słavutaha mastaka, jakija źjaŭlajucca častkaj jaho znakamitych «kaśmičnych sieryj», a taksama pracy, dzie majstar prajaviŭ svoj talent partretysta. Častka tvoraŭ demanstrujecca ŭpieršyniu.
U miežach śviatkavańnia 135-hodździa Jazepa Drazdoviča 11 kastryčnika z 11.00 da 16.30 Nacyjanalny mastacki muziej Respubliki Biełaruś sumiesna z Centram daśledavańniaŭ biełaruskaj kultury, movy i litaratury Nacyjanalnaj akademii navuk Biełarusi ładzić kruhły stoł, na jakim svaje dakłady, pryśviečanyja maštabnaj fihury mastaka, jaho ŭpłyvu na biełaruskuju kulturu, pračytajuć navukovyja supracoŭniki Nacyjanalnaj akademii navuk, Nacyjanalnaha mastackaha muzieja i zaprošanyja śpiecyjalisty.
-
Praŭładny analityk Špakoŭski sprabuje patłumačyć, što chacieŭ Łukašenka ad ZŠA
-
Vykładčyca Natalla Dulina: Ja kateharyčna admoviłasia pisać prašeńnie ab pamiłavańni. I ja b była rada, kali b vyvieźli kahości inšaha
-
«Na hałovach — miaški». Eks-palitviazień Karniej, jakoha vyzvalili razam ź Cichanoŭskim, raspavioŭ, jak heta było
Ciapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1010
Kamientary