У Нацыянальным мастацкім працуе выстава, прысвечаная Драздовічу
13 кастрычніка спаўняецца 135 гадоў з дня нараджэння беларускага жывапісца, графіка, скульптара і фалькларыста.
«Самабытны і ўнікальны прадстаўнік айчыннай культуры і мастацтва, Язэп Драздовіч яшчэ пры сваім жыцці за разнастайнасць творчага дыяпазону набыў славу «беларускага Леанарда да Вінчы». Ці не самай эксцэнтрычнай стыхіяй мастака стаў космас. Майстар вывучаў астраномію і нават выдаў папулярную кнігу ўласных разваг пра касмічную прастору «Нябесныя бегі» на беларускай мове», — паведамляецца на сайце музея.
Выстава «Космас Язэпа Драздовіча» працуе да 16 кастрычніка. На ёй паказаны творы з калекцыі аддзела старажытнабеларускай культуры Цэнтра даследаванняў беларускай культуры, мовы і літаратуры Нацыянальнай акадэміі навук Беларусі.
Увазе наведвальнікаў таксама прапануюцца карціны славутага мастака, якія з’яўляюцца часткай яго знакамітых «касмічных серый», а таксама працы, дзе майстар праявіў свой талент партрэтыста. Частка твораў дэманструецца ўпершыню.
У межах святкавання 135-годдзя Язэпа Драздовіча 11 кастрычніка з 11.00 да 16.30 Нацыянальны мастацкі музей Рэспублікі Беларусь сумесна з Цэнтрам даследаванняў беларускай культуры, мовы і літаратуры Нацыянальнай акадэміі навук Беларусі ладзіць круглы стол, на якім свае даклады, прысвечаныя маштабнай фігуры мастака, яго ўплыву на беларускую культуру, прачытаюць навуковыя супрацоўнікі Нацыянальнай акадэміі навук, Нацыянальнага мастацкага музея і запрошаныя спецыялісты.
-
«А Лукашэнка не ў курсе, адкуль быў напад на гэту асфальтаваную дарогу?» У вёсцы правялі велапрабег — але ўся ўвага дасталася дарозе
-
Мільянер Варабей атрымаў права на забудову цэнтра Мінска — узамен за дарагую клініку для Лукашэнкі
-
Мінчукі ў чаце паскардзіліся на працу паліклінікі. Прапаганда абвінаваціла ў чэргах саміх наведвальнікаў
Каментары