Za dva kamientary ŭ adras Łukašenki aršanskaha pradprymalnika asudzili na dva hady kałonii
U Alaksieja Cypileva troje małych dziaciej.
Sud Aršanskaha rajona vynies prysud pradprymalniku Alaksieju Cypilevu, abvinavačanamu ŭ abrazie Łukašenki pavodle č. 1 art. 368 KK. Spravu razhladaŭ sudździa Dźmitryj Razumovič, abvinavaŭca — pamočnik prakurora Siarhiej Dziaržycki, piša «Viasna».
Šmatdzietnaha baćku (dzieciam 3, 4 i 5 hod) zatrymali pa miescy žycharstva ŭ pasiołku Vysokaje Aršanskaha rajona 3 žniŭnia i da suda źmiaścili pad vartu ŭ SIZA Viciebska.
Pa materyjałach abvinavačańnia, Alaksiej pry kancy lutaha raźmiaściŭ u telehram-hrupie «Łuchtavikinhi» abraźlivy kamientar «Pradažnaja ….», tym samym pryniziŭ honar i hodnaść Łukašenki. Druhi epizod datavaŭsia sakavikom.
4 kastryčnika sud pryznačyŭ Cypilevu pazbaŭleńnie voli terminam na dva hady z adbyćciom pakarańnia ŭ kałonii va ŭmovach ahulnaha režymu.
Majomaść pradprymalnika (aŭtamabili i budaŭničaja technika) pakinutyja pad aryštam.
Padtrymajcie Alaksieja paštoŭkaj albo listom:
SIZA-2 210026, h. Viciebsk, vuł. Haharyna, 2, Alaksiej Jurjevič Cypileŭ.
Ciapier čytajuć
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu7
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary
Asudzili za kamientar jaki ŭ volnym śviecie navohuł nie źjaŭlajecca złačynstvam. Čarhovy prykład taho jak łukašysty razburajuć ekanomiku i krainu dziela varjata i jahonaj klataj siamiejki. "hora krainie kali chałop stanovicca carom" - Sałamon.