Siońnia ŭ Sočy pačynaje pracu niefarmalny samit EŭrAzES. U im biare ŭdzieł kiraŭnik Biełarusi Alaksandar Łukašenka. Na sustrečy buduć abmierkavany pytańni farmavańnia mytnaj prastory j ahulnaha enerhietyčnaha rynku.
Siońnia ŭ Sočy pačynaje pracu niefarmalny samit EŭrAzES. U im biare ŭdzieł kiraŭnik Biełarusi Alaksandar Łukašenka. Na sustrečy buduć abmierkavany pytańni farmavańnia mytnaj prastory j ahulnaha enerhietyčnaha rynku. Mienavita supracoŭnictva ŭ paliŭna-enerhietyčnaj sfery źjaŭlajecca najbolš aktualnym dla biełaruskaha kiraŭnictva, bo čakajecca pavyšeńnie cenaŭ na rasiejski haz. U źviazku z hetym Alaksandar Łukašenka navat skarystaŭsia karotkačasovym adpačynkam.
U samicie taksama voźmie ŭdzieł kiraŭnik uradu Ŭkrainy Viktar Janukovič, jaki
maje abmierkavać z rasiejskim kiraŭnictvam pytańni paliŭna-enerhietyčnaha supracoŭnictva j pamianšeńnia cany na rasiejski haz. Pierad adjezdam u Rasieju spadar Janukovič vykazaŭsia suprać pryvatyzacyi hazatranspartnaj systemy Ŭkrainy – takoje, ź jahonaha pierakanańnia, nie adpaviadaje nacyjanalnym intaresam krainy. Viktar Janukovič zajaviŭ: «Kolki ja budu pracavać, heta systema budzie ŭłasnaściu Ŭkrainy». U prahramie vizytu Viktara Janukoviča nie paznačana sustreča z kiraŭnikom Biełarusi.
Paśla pravału pieramoŭ pra ŭstupleńnie ŭ SHA Rasieja nadaje asablivaje značeńnie hetamu niefarmalnamu samitu ŭ Sočy.
EŭrAzES – mižnarodnaja ekanamičnaja arhanizacyja, u jakuju ŭvachodziać Biełaruś, Kazachstan, Kyrhyzstan, Rasieja, Tadžykistan i Ŭzbekistan. Małdova, Ukraina j Armenija majuć status naziralnikaŭ. Asnoŭnaj metaj EŭrAzES jość stvareńnie adzinaj ekanamičnaj prastory. Damova pra ŭtvareńnie eŭrazijskaj Ekanamičnaj supolnaści była padpisana 10 kastryčnika 2000 hodu ŭ Astanie. Novaje ŭtvareńnie musiła spynić praces dezyntehracyi ŭ ramkach SND. U 2003 hodzie na samicie ŭ Dušanbe byli pryniaty pryjarytetnyja nakirunki raźvićcia supolnaści na 2003–2006 hady. Siarod ich – farmavańnie adzinaj mytnaj prastory, uzhadnieńnie terminaŭ i ŭmoŭ ustupleńnia ŭ SHA, raźvićcio enerhietyčnych resursaŭ i hetak dalej.
Sioleta ŭ červieni ŭ Miensku adbyŭsia 16-y samit kiraŭnikoŭ krain supolnaści. Staršynstva ŭ hetaj struktury pieraniaŭ prezydent Rasiei Ŭładzimier Pucin. Čarhovaje pasiedžańnie Miždziaržaŭnaha savietu EŭrAzES zaplanavana na 2007 hod u Maskvie.
Ciapier čytajuć
Biełarusam stała składaniej lehalizavacca ŭ Polščy — tam bolš nie prymajuć vydadzienyja ŭ BSSR dakumienty i patrabujuć apastyli23
Kamientary