U 1973 hodzie Alaksiej i Volha Brykulskija ŭziali šlub u Lelčyckim rajonie. Alaksiej pryvioz tady budučuju žonku ŭ ZAHS na matacykle. Praz 50 hadoŭ jany vyrašyli paŭtaryć cyrymoniju.
Tolki siońnia Alaksiej Ivanavič i Volha Alaksiejeŭna pryjechali da ZAHSa na retra-matacykle, paviedamlaje telekanał «Mazyr».
«Ščyra skažu, kachaju jaho, jak i kachała 50 hadoŭ tamu. Nie viedaju, jak jon (śmiajecca). Maru, kab adznačyć 100-hodździe, bo ja z doŭhažycharoŭ», — kaža Volha Alaksiejeŭna.
Žančyna kaža, što jany pakachali adno adnaho ź pieršaha pozirku i pražyli 50 hadoŭ u miry i zhodzie. Vychavali dastojnych syna i dačku, majuć piać unukaŭ.
Brykulskija kažuć, što paklikali na ŭračystaść u ZAHS blizkich, a potym pajeduć u kaviarniu adznačyć jubilej: «Zamočym hetu spravu i budziem žyć dalej».
Alaksiej Ivanavič taksama dzielicca sakretami takoha doŭhaha žyćcia ŭ šlubie: «Treba niedzie pramaŭčać, niedzie niešta skazać, kab nie mocna zajadała. Idealnych siemjaŭ nie byvaje. I dobraje było, a kiepskaje my staralisia abychodzić».
Alaksiej Ivanavič i Volha Alaksiejeŭna kažuć, što 50 hadoŭ tamu jany nie chvalavalisia tak, jak siońnia.
A ŭračystuju cyrymoniju praviali pa ŭsich praviłach: sa śviedkami i abmienam piarścionkami. I naprykancy byŭ viasielny taniec.
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT14
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary