Hramadstva55

Na subotnikach u Homielskaj vobłaści źbirali hrošy na pomnik «hienacydu biełaruskaha naroda»

Adsutnaść hramadskaha abmierkavańnia, dziŭny prajekt i jašče try pryčyny.

U Homielskaj vobłaści hrošy ad subotnika čynoŭniki chočuć pieradać na ŭźviadzieńnie ŭ rehijanalnym centry pomnika «hienacydu». Žurnalisty «Fłahštoka» raskazvajuć, jakija prablemy jość u hetaj inicyjatyvy.

Adsutnaść hramadskaha abmierkavańnia

U hamielčukoŭ nie było mahčymaści paŭpłyvać na architekturnaje rašeńnie pomnika. Elemienty demakratyi byli źviedzienyja da vybaru miescaznachodžańnia pomnika i tolki dla padpisčykaŭ telehram-kanała staršyni Homielskaha harvykankama Uładzimira Pryvałava.

Tam było prapanavana vybrać ustanoŭku pomnika pa ŭžo isnujučym eskizie siarod dźviuch łakacyj: u skviery kala fabryki «8 Sakavika» abo na płoščy Paŭstańnia za tankam.

Histaryčnyja padtasoŭki

Ustanoŭka pomnika pryviazana da raźmiaščeńnia łahiera savieckich vajennapałonnych. Padčas nacysckaj akupacyi z-za žachlivych umovaŭ tam zahinuli kala 120 tysiač čałaviek. Ale jany źjaŭlalisia pradstaŭnikami narodaŭ Savieckaha sajuza: biełarusaŭ, ukraincaŭ, kazachaŭ i šmatlikich narodaŭ Biełaruskaj SSR.

Ich niemahčyma zaličyć u achviary «hienacydu biełaruskaha naroda».

Biazdarny prajekt

Varyjant rekanstrukcyi płoščy Paŭstańnia vyklikaŭ šmat pytańniaŭ da prajekciroŭščykaŭ. Jahony prajekt taksama nie vynosiŭsia na hramadskaje abmierkavańnie. Kali likvidacyja parkoŭki vakoł pomnika tanka adpaviadaje suśvietnaj tendencyi da pamianšeńnia prysutnaści aŭtamabilaŭ u centry horada, to płaniroŭka mierkavanaha skviera vyklikała ździŭleńnie.

Prajekciroŭščyki Homielhramadzianprajekta stvaryli skvier śpiecyjalna dla miemaryjalnych mierapryjemstvaŭ. Praz hety skvier budzie niemahčyma prajści da stadyjona, jon maje adziny ŭvachod i pa sutnaści źjaŭlajecca tupikom.

Finansavańnie prajekta

Stvareńnie prajekta skviera było ŭklučana ŭ košt stvareńnia prajekta rekanstrukcyi najbližejšaj ciepłatrasy RUP «Homielenierha». Takim čynam homielskija enierhietyki byli zmušanyja apłacić niaprofilnyja pracy pa prajektavańni novaha skviera na pł. Paŭstańnia.

Dla hetaha budzie patračana suma ŭ pamiery 127 695 biełaruskich rubloŭ.

Ahulny košt prajekta nie nazyvaŭsia. Zychodziačy sa štohadovaj tradycyi budaŭnictva miemaryjalnych kompleksaŭ za srodki zboraŭ subotnikaŭ, možna mierkavać, što košt budaŭnictva kompleksu składaje kala adnaho miljona dołaraŭ. Pa infarmacyi telehram-kanała staršyni Homielskaha abłvykankama, na subotniku ŭ Homielskaj vobłaści sabrana kala 2,8 miljona rubloŭ (875 tysiač dalaraŭ).

Prymusovaja praca rabotnikaŭ dziaržpradpryjemstvaŭ i arhanizacyj

Dla stvareńnia pomnika na miescy ŭtrymańnia i hibieli savieckich vajennapałonnych akazałasia nieabchodnaj prymusovaja praca hramadzian aŭtarytarnaj Biełarusi. Asnoŭnaja meta subotnika — adličeńnie srodkaŭ dziaržpradpryjemstvaŭ i arhanizacyj na pabudovu miemaryjalnaha kompleksu. Takija zbory jość tradycyjaj, ale ad taho jany nie źjaŭlajucca pravamiernymi. Navat siońnia subotnik farmalna źjaŭlajecca dobraachvotnym mierapryjemstvam, ale na praktycy — prymusovym.

Kamientary5

  • Tolko fakty
    29.10.2023
    Nastojaŝij hienocid biełorusskoho naroda provodiło NKVD v 30-je i 40-je hody prošłoho vieka, kohda byli rieprieśsirovany (v tom čiśle rastrielany) sotni tysiač biełarusov. A na vtorom miestie po količiestvu rieprieśsirovannych biełarusov idiot pieriod pravlenija Łukašienko.
  • 123
    29.10.2023
    Siaržuk, pomniki chałakostu u biełarusi užo joś.
  • Jak raby
    29.10.2023
    Nada jašče stvaryć pomnik rabam, jakich zahaniajuć na subotniki
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1

Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar

Usie naviny →
Usie naviny

Čałaviek ź Biełarusi ź leśvicaj pieralez cieraz aharodžu na miažy i paprasiŭ prytułku ŭ Litvie2

Kolki ciapier kaštuje kava — mołataja, u ziarniatach i raspuščalnaja? Niekatoryja ceny ździŭlajuć9

U Smarhonskim rajonie prybrali nadpis ź miemaryjała, pazbaviŭšy jaho sensu6

U Minsku źjaviŭsia «Sad vieršaŭ» — litaraturny aazis dla ŭsioj siamji3

Źjaviłasia novaje śviedčańnie pabudovy rasijanami sakretnaj jadziernaj bazy ŭ Asipovičach7

Čamu žančyny mienš naradžajuć? Adna z pryčyn — davoli prahmatyčnaja9

Błohier Rusłan Lińnik na svabodzie paśla zakančeńnia druhoha terminu. Voś čamu ŭźnikła błytanina nakont jaho

Jak z 30 «kvadrataŭ» zrabić jeŭraadnušku? Haspadar hetaj kvatery ŭ «Minsk-Śviet» pakazaŭ majstar-kłas2

Bresckija čynoŭniki pachvalilisia «nanatechnałohijaj» — vialikim robatam, jaki padšturchoŭvaje korm karovam1

bolš čytanych navin
bolš łajkanych navin

Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar1

Eks-palitviazień adkryŭ zbor na siabie — inšyja palitviaźni aburanyja i kažuć, što jon stukač i machlar

Hałoŭnaje
Usie naviny →

Zaŭvaha:

 

 

 

 

Zakryć Paviedamić