U samalota Belavia łopnuła koła. Ździejśniŭšy pasadku, bort zabłakavaŭ uźlotna-pasadačnuju pałasu ŭ Minsku — Aviatorshina
Boeing 737 MAX 8 vykonvaŭ rejs sa Stambuła.
Skrynšot z sajta Flightradar24
Jak paviedamlaje TH-kanał @aviatorshina, pnieŭmatyk koła ŭ samalota łopnuŭ jašče pry ŭźlocie. Paśla vyletu hetaha borta na ŭźlotnaj pałasie ŭ aeraporcie Stambuła vyjavili kavałki humy.
Pierad pasadkaj u Minsku łajnier vykanaŭ prachod nad pałasoj na vyšyni 275 mietraŭ i vyjšaŭ u zonu čakańnia, dzie ździejśniŭ niekalki kruhoŭ, paśla čaho zmoh pryziamlicca. Ekipaž i pasažyry nie paciarpieli.
Nacyjanalny aeraport Minsk adnaviŭ adpraŭku i pryniaćcie rejsaŭ u štatnym režymie prykładna praz paŭtary hadziny paśla niaštatnaj situacyi.
Aficyjnaj infarmacyi pra zdareńnie pakul niama.
Kamientary