Ich hramadzianstva pakul nie nazyvajecca.
Zabityja mierkavanyja kilery pałkoŭnika SBU Ivana Varoniča — mužčyna i žančyna — akazalisia zamiežnikami, paviedamiła Nacyjanalnaja palicyja Ukrainy.
«Dziakujučy sumiesnaj rabocie apieratyŭnikaŭ milicyi Kijeva i SBU, śledčych, analitykaŭ kryminalnaha analizu, byli vyznačany asoby, datyčnyja da ździajśnieńnia złačynstva — imi akazalisia mužčyna i žančyna, hramadzianie inšaj krainy», — havorycca ŭ paviedamleńni Nacpalicyi.
Inšych padrabiaznaściaŭ pra ich asob nie pryvodzicca.
Siońnia SBU paviedamiła, što zabiła kileraŭ, jakija zastrelili pałkoŭnika Słužby biaśpieki ŭ Kijevie. Kiraŭnik SBU Vasil Maluk zapisaŭ videa pra heta na fonie ciełaŭ, jak jon kaža, ahientaŭ FSB.
50-hadovaha pałkoŭnika SBU nieviadomy rasstralaŭ u centry Kijeva ź pistaleta z hłušycielem 10 lipienia. U rajonie 9:00 nieviadomy padbieh da 50-hadovaha Ivana Varoniča na vulicy i piać razoŭ streliŭ ź pistaleta z hłušycielem. Paśla čaho ŭciok. Pałkoŭnik atrymaŭ ciažkija ranieńni i pamior na miescy.
Vydańnie The New York Times, spasyłajučysia na byłoha kalehu zahinułaha piša, što Ivan Varonič paśla ŭstupleńnia ŭ SBU ŭ siaredzinie 1990-ch hadoŭ kamandavaŭ padraździaleńniem śpiecyjalnych apieracyj. Jon kiravaŭ hrupaj, jakaja likvidavała «Matarołu».
-
«Zaličanaja pa niestandartnaj pracedury». Stała viadoma, jak ščodra padmazvaŭ Epštejn univiersitet, u jakim vučyłasia Karyna Šulak
-
Rubia ŭ apošni momant admianiŭ sustreču ź lidarami Jeŭropy ab pytańni Ukrainy
-
Studzień 2026 hoda ŭvajšoŭ u piaciorku samych ciopłych pieršych miesiacaŭ hoda ŭ śviecie. Jak heta ni dziŭna dla biełarusaŭ
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary