Polšča razharnuła tankavy bataljon niepadalok ad miažy ź Biełaruśsiu
Na pieršym etapie stvareńnia padraździaleńnia ŭ Čartajevie budzie dysłakavana bolš za sotniu sałdat, a ŭ pierśpiektyvie — niekalki sotniaŭ na pastajannaj asnovie.
Polšča razharnuła ŭ pasiołku Čartajevie (Siemiatycki paviet) niedaloka ad biełaruskaj miažy novy tankavy bataljon u składzie 1-j piachotnaj dyvizii, paviedamlaje Minabarony Polščy.
12 listapada ŭ Čartajevie kiraŭnik Minabarony Maryjuš Błaščak uziaŭ udzieł u adkryćci novaj vajskovaj častki i sustreŭsia z vajskoŭcami novastvoranaj 1-j piachotnaj dyvizii.
Adznačajecca, što ŭ pasiołku ŭžo razhornuty kantejnierny haradok, a ŭ najbližejšyja hady płanujecca raźvićcio pastajannaj infrastruktury.
Na pieršym etapie stvareńnia padraździaleńnia tut budzie dysłakavana bolš za sotniu sałdat, a ŭ pierśpiektyvie — niekalki sotniaŭ na pastajannaj asnovie.
Padraździaleńnie budzie mieć na ŭzbrajeńni sučasnuju techniku, zakuplenuju dla Polščy ŭ apošnija hady — tanki K2, minamioty Rak, ZRK Poprad.
Farmiravańnie 1-j piachotnaj dyvizii pačałosia ŭ vieraśni 2022 hoda. Jana budzie składacca z 12 vajskovych častak: 4 ahulnavajskovych bryhadaŭ, artyleryjskaj bryhady, 4 pałkoŭ vajennych typaŭ i 3 śpiecyjalizavanych bataljonaŭ.
Płanujecca, što dyvizija budzie naličvać bolš za 30 tysiač sałdat.
«My ŭśviedamlajem pahrozy. My dobra viedajem, što kramloŭskija kiraŭniki raźviazali vajnu, bo chočuć adnavić Rasijskuju impieryju. Heta zaŭsiody było pahrozaj dla narodaŭ, jakija žyli pa susiedstvie.
Tamu, kab praduchilić napad na našu Radzimu, my ŭmacoŭvajem polskuju armiju i stvarajem novyja padraździaleńni. Hety tankavy bataljon tut, u Siemiatyckim paviecie, budzie asnaščany tankami K2. Heta sučasnyja tanki, jakija byli raspracavany ŭ 21 stahodździ».
Kamientary
https://nn.by/328353