41-hadovy mužčyna skarystaŭsia tym, što jon vypaŭ u žančyny, kali jana vychodziła z mašyny. Hrošy jon adrazu patraciŭ, paviedamlaje palicyja Biełaj Padlaski.
U minułym miesiacy 57-hadovaja hramadzianka Biełarusi stała achviaraj złačynstva i źviarnułasia ŭ palicyju. Pa słovach paciarpiełaj, nieviadomy prysvoiŭ jaje kašalok. Žančyna dadała, što, chutčej za ŭsio, jon vypaŭ u jaje, kali jana vychodziła z mašyny pad adnym z rynkaŭ. U kašalku znachodziłasia bolš za tysiaču złotych (kala 220 jeŭra).
Spravaj zajmalisia palicyjanty, jakija zmahajucca sa złačynnaściu suprać majomaści. Supracoŭniki palicyi ŭstanavili asobu mužčyny, a taksama miesca jaho znachodžańnia na terytoryi rajona. Akazałasia, što heta 41-hadovy hramadzianin Ukrainy.
Mužčynu zatrymali. Padčas razmovy z aficerami jon pryznaŭsia, što zaŭvažyŭ kašalok, jaki lažaŭ na stajancy. Jon padniaŭ i schavaŭ jaho ŭ kišeniu, zatym pajšoŭ u markiet, dzie patraciŭ hrošy. Kašalok vykinuŭ pa darozie. Mužčyna dadaŭ, što škaduje praz zdareńnie. Jaho čakaje sud.
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»32
Babaryka raskazaŭ, čamu pierad vybarami nie šukaŭ padtrymki ŭ Rasii. I jak jaho chacieli zvolnić ź Biełhazprambanka za łozunh «Žyvie Biełaruś!»
Maksim Znak pra pres-kanfierencyju va Ukrainie: My damovilisia nie ŭzdymać najbolš balučyja temy — katavańniaŭ, sankcyj, vajny. Moža, musili my pa-inšamu zrabić1010
Kamientary