Kińcie ŭ pralnuju mašynu łaŭrovy list. Vy budziecie zadavolenyja
Łaŭrovy list varta vykarystoŭvać nie tolki pry hatavańni ježy. Jon dapamoža i pry prańni bializny. Dastatkova niekalkich štuk, kab zaŭvažyć efiekt. Voś što rajać ludzi, jakija sami pasprabavali.
Pra hety sposab vykarystańnia łaŭrovaha lista viedali našy babuli, ale ciapier pra heta zabylisia. Hetaja pryprava dapamahaje vyratavać zapeckanaje adzieńnie i viarnuć jamu pieršapačatkovy vyhlad.
Jak rajać daśviedčanyja ludzi, łaŭrovy list možna prosta ŭkinuć u pralnuju mašynu, ale lepšy efiekt atrymajecca, kali pryhatavać ź jaho advar, u jakim zamačyć zapeckanaje adzieńnie.
Dla pryhatavańnia advaru ŭ zaležnaści ad abjomu adzieńnia, treba ŭziać ad niekalkich da dziasiatka štuk łaŭrovaha lista, zalić vadoju i davieści da kipieńnia. Paśla taho, jak vadkaść astynie, u joj zamočvajuć adzieńnie i pakidajuć na niekalki hadzin. Zatym dobra vycisnutaje adzieńnie nieabchodna pamyć u pralnaj mašynie ci ŭručnuju.
Hety truk lepš za ŭsio pracuje ź biełym adzieńniem. Ale kali łaŭrovy list nie dapamahaje, to jość inšyja narodnyja srodki.
Adzin ź ich — zasypać u pralnuju mašynu dźvie stałovyja łyžki soli. Jana nie tolki dapamoža pazbavicca plamaŭ, ale i ažyvić kolery dy praduchilić liniańnie ŭ vypadku kalarovych tkanin.
Jašče adnym srodkam zachavańnia koleru bializny i adzieńnia źjaŭlajecca jaječnaje šałupińnie. Da taho ž jamu ŭłaścivy miakki adbielvajučy efiekt. U adroźnieńnie ad adbielvalniku, šałupińnie nie paškodzić tkaniny.
Pierad tym, jak pakłaści ŭ pralnuju mašynu, źmiaścicie šałupińnie ŭ nievialički miašečak ź ilnu i mocna zaviažycie. Kolkaść šałupińnia treba padbirać, zychodziačy ad intensiŭnaści zabrudžańnia bializny. U najbolš składanych vypadkach moža spatrebicca niekalki miašečkaŭ ź jaječnym šałupińniem.
Daśviedčanyja chatnija haspadyni viedajuć, što adnym z najlepšych srodkaŭ dla adbielvańnia zjaŭlajecca pierakis vadarodu. Dla dasiahnieńnia efiektu dastatkova dadać zamiest adbielvalniku šklanku hetaha srodku.
Pry prańni mocna zabrudžanych tkanin dapamoža charčovaja soda. Treba raźvieści 1 šklanku sody ŭ 8-10 litrach vady pakajovaj tempieratury ci krychu ciaplejšaj i zamačyć u hetym rastvory rečy na niekalki hadzin, a lepš — na noč. Kali zabrudžvańnie vielmi mocnaje, rekamiendujecca dadać 1/3 šklanki sody prosta ŭ baraban pralnaj mašyny.
Zachavać kolery nasyčanymi dapamoža čorny mołaty pierac. Čajnuju łyžku hetaj prypravy treba dadavać u baraban pralnaj mašyny paśla zahruzki rečaŭ i niepasredna pierad zapuskam.
Złučyŭšysia z myjnym srodkam, pierac zabiare z vymytaha adzieńnia jaho liški. Viadoma, što mienavita liški myjnych srodkaŭ, jakija adkłalisia na adzieńni, vinavatyja ŭ liniańni koleraŭ. Paśla myćcia dastatkova streści reštki piercu z adzieńnia (kali jany jašče zastalisia paśla pałaskańnia).
Vyšejnazvanyja mietady nie zaŭsiody buduć efiektyŭnymi. Tamu rekamiendujecca vykarystoŭvać ich pa niekalki razoŭ ci spałučać, naprykład, zamočvańnie z łaŭrovym listom i charčovaj sodaj. Treba pamiatać i pra aściarožnaje abychodžańnie z dalikatnymi tkaninami.
Čytajcie jašče:
Nie vykidajcie łupiny bananaŭ — dla ich jość dobraje prymianieńnie
-
«Viartajciesia, kali daraściacie». Adzin z samych darahich restaranaŭ Minska šakuje svajoj kamunikacyjaj
-
Ajcišnica, jakaja viarnułasia z emihracyi, pachvaliłasia, što idzie vystupić na ANT — u kamientarach adkryŭsia partał u piekła
-
Słova «Unavatuna» značyć «raj». Dzie na Šry-Łancy adpačyvała Mielnikava
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»25
Kamientary
Povodom k niedovolstvu posłužili moi miełkije zamietki o pčiełovodstvie i pticievodstvie. V etich zamietkach ja raźvił nieskolko novych svoich sobstviennych tieorij, kotoryje bukvalno vyzvali paniku, tak kak pośle nieskolkich moich vieśma prostych sovietov čitatielam iźviestnoho pčiełovoda Pazourieka chvatił udar, a na Šumavie i v Podkrkonošach vsie pčieły pohibli. Domašniuju pticu postih mor - słovom, vsie i viezdie dochło. Podpisčiki prisyłali uhrožajuŝije piśma. Otkazyvaliś ot podpiski.
Ja.Hašiek, Pochoždienija bravoho sołdata Šviejka