Prablemnyja pytańni, jakija tak ci inakš uźnikajuć u ADKB, jak i ŭ luboj inšaj arhanizacyi, treba vyrašać za stałom pierahavoraŭ, a nie rabić demaršy biez pryčyn. Ab hetym zajaviŭ žurnalistam Alaksandr Łukašenka na pasiadžeńni siesii Savieta ADKB, piša BIEŁTA.
«My taksama, nie budu hetaha chavać, abmiarkoŭvali situacyju na Kaŭkazie i niekatoruju niezadavolenaść adnaho z členaŭ Savieta kalektyŭnaj biaśpieki, — skazaŭ Łukašenka, majučy na ŭvazie situacyju z Armienijaj, premjer-ministr jakoj admoviŭsia prysutničać na samicie ADKB u Minsku. — My pryjšli da adzinaj vysnovy, što prablemnyja pytańni zaŭsiody byli i buduć. Kali my ich majem namier vyrašać, to ich treba vyrašać za stałom pierahavoraŭ, nie rabić demaršy biez pryčyn, biez peŭnych pryčyn».
Armienija ŭvachodzić u prarasijskuju Arhanizacyju Damovy ab kalektyŭnaj biaśpiecy, i jaje kiraŭnictva ŭ 2020 hodzie ŭ pytańniach mižnarodnaj palityki ŭ SND išło ŭ farvatary Kramla.
Nikoł Pašynian byŭ adnym ź pieršych, chto ŭ žniŭni 2020 hoda pavinšavaŭ Łukašenku z «pieramohaj» na sfalsifikavanych prezidenckich vybarach.
Ale ŭ suviazi z tym, što Rasija i ADKB admovilisia niečym dapamahać Armienii ŭ situacyi, kali Azierbajdžan staŭ vyrašać daŭni terytaryjalny kanflikt u Nahornym Karabachu siłavymi mietadami, adbyvajecca faktyčny sychod Armienii z rasijskaj śfiery ŭpłyvu.
Ciapier čytajuć
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju20
Fizik z Akademii navuk pierajechaŭ na pracu ŭ Polšču. Padčas vizitu ŭ Biełaruś jaho aryštavali za palityku i kinuli ŭ kałoniju
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary