Takoj kolkaści «Šachiedaŭ» jašče nie było: u Pavietranych siłach Ukrainy prakamientavali načnuju ataku dronaŭ
Minuły rekord trymaŭsia ŭ Kijevie z navahodniaj nočy, kali było vypuščana 45 «Šachiedaŭ».
Siońnia kala 40% z rekordnaj kolkaści «Šachiedaŭ», jakija Rasija zapuściła pa Ukrainie, było źbita mabilnymi ahniavymi hrupami. Pra heta paviedamiŭ śpikier pavietranych sił Uzbrojenych sił Ukrainy Juryj Ihnat u efiry telemarafona, piša UNIAN.
«Hetym razam chočam padziakavać mabilnym ahniavym hrupam. Heta toj pieradavy ešałon, na jaki i ŭskładziena zadača ŭ bolšaści źbivać hetyja ŭdarnyja BPŁA dla taho, kab pamienšyć kolkaść vydač našych zienitna-kiravanych rakiet. Siońnia pryblizna da 40% dajšoŭ adsotak źbićcia mienavita mabilna-ahniavymi hrupami», — skazaŭ Ihnat.
Pavodle jahonych słoŭ, hetaj nočču vorah vypuściŭ rekordnuju kolkaść udarnych BpŁA va Ukrainie. Raniej rekord trymaŭsia ŭ stalicy ŭ navahodniuju noč. Tady było vypuščana 45 «Šachiedaŭ». Na nastupny dzień było vypuščana 39 BPŁA.
«Takoj kolkaści jak siońnia, viadoma, nie było. Na žal, bjem siońnia rekordy. Ale, na ščaście, supraćpavietranaja abarona robić tyja cudy, u jakija nie mohuć navat na Zachadzie časam pavieryć», — dadaŭ pradstaŭnik pavietranych sił.
U Kijevie pavietranaja tryvoha doŭžyłasia bolš za 6 hadzin. Niaznačnyja paškodžańni zafiksavanyja ŭ Dniaproŭskaj, Hałasiejeŭskim i Piačerskim rajonach Kijeva.
U Pavietranych siłach USU paviedamili, što byli zafiksavanyja puski kala 75 «šachiedaŭ» z dvuch kirunkaŭ — Prymorska-Achtarska i rajona Kurskaj vobłaści. Asnoŭny napramak udaraŭ — Kijeŭ.
Paśla rasijskaj načnoj ataki «šachiedami» ŭ Kijevie zastalisia bieź śviatła 77 žyłych damoŭ i 120 ustanoŭ.
Uładzimir Zialenski źviazaŭ masiravanuju načnuju ataku z 90-hodździem Haładamoru.
Ciapier čytajuć
«My nie viedali Siarhieja Cichanoŭskaha da siońniašniaj pres-kanfierencyi»17
Kamientary