Brazilija zajaviła pra namier raźmiaścić dadatkovy kantynhient na svajoj miažy ź Vieniesuełaj, paśla taho, jak vieniesuelski lidar Nikałas Madura abviaściŭ płany aneksavać častku terytoryi Hajany, paviedamlaje Bi-bi-si.
Bahaty naftaj rehijon Hajana-Esekiba naležyć Hajanie, ale Vieniesueła z kanca XIX stahodździa asprečvaje pravy na jaho.
U minułuju niadzielu ŭłady Vieniesueły praviali ahulnanarodny refierendum pa pytańni dałučeńnia hetaj terytoryi. 95% vykazalisia «za».
Niahledziačy na takuju ŭražalnuju ličbu, u refierendumie ŭziali ŭdzieł usiaho blizu dvuch miljonaŭ čałaviek, to-bok prykładna 10% nasielnictva, jakoje maje prava hołasu.
Ale prezidenta Maduru heta nie biantežyć, jon nazvaŭ vyniki hałasavańnia biezumoŭnaj pieramohaj i ŭ sieradu pačaŭ realizacyju płana aneksii Hajany-Esekiba, prapanavaŭšy Nacyjanalnaj asamblei krainy pryniać zakonaprajekt ab uklučeńni hetaj terytoryi ŭ skład Vieniesueły.
Jon taksama rasparadziŭsia, kab dziaržaŭnaja naftavaja kampanija vydała licenzii na raspracoŭku naftavych radoviščaŭ rehijona.
Akramia taho, z hetaha času na kartach Vieniesueły terytoryja Hajany-Esekiba budzie adznačacca jak častka krainy. Raniej jana adlustroŭvałasia zaštrychavanaj — heta aznačała, što terytoryja sprečnaja.
Hajana pryviała svaje vojski ŭ pavyšanuju hatoŭnaść i źviarnułasia ŭ Radu biaśpieki AAN z prośbaj umiašacca ŭ situacyju, jakaja pahražaje destabilizacyjaj usiaho rehijona.
Brazilskaja armija ściahvaje dadatkovyja vojski i techniku da pamiežnaha štata Rarajma.
Kali Vieniesueła vyrašycca na vajennaje ŭvarvańnie ŭ Hajanu-Esekiba, ažyćciavić jaho budzie mahčyma tolki praz terytoryju Brazilii. U tych rajonach, dzie Vieniesueła i Hajana miažujuć biespasiarednie, pieramiaščeńnie vojskaŭ faktyčna niemahčyma z-za łandšaftu miascovaści.
Brazilskaje kamandavańnie zajaviła, što ŭzmacniaje svaju prysutnaść u rehijonie, kab harantavać nieŭmiašańnie Brazilii ŭ kanflikt.
U sieradu z radaraŭ źnik vajenny viertalot Hajany, na borcie jakoha znachodzilisia siem čałaviek. Infarmacyi pra jaho pa-raniejšamu niama, adnak kiraŭnik Hienštaba Amar Chan zajaviŭ, što na dačynieńnie Vieniesueły da incydentu pakul ništo nie pakazvaje.
Ciapier čytajuć
Vieniesuełka, jakaja pracuje na BT, raspaviała, čamu jaje siamja dumaje, što jana ŭ Biełarusi vielmi bahataja. Pryčyny vas ździviać10
Kamientary