Samyja darahija arendnyja kvatery ŭ Minsku. Staŭki ŭražvajuć
Svaja sauna, łožak z bałdachinam, šykoŭnaja žyrandola ŭ vannym pakoi. Pahladzieli, za kolki zdajucca samyja darahija kvatery ŭ stalicy i jak jany vyhladajuć.
Ź vidam na Ślapianku
Samaja darahaja kvatera z tych, što zdajuć u doŭhaterminovuju arendu ŭ Minsku, — trochpakajoŭka pa adrasie vuł. Filimonava, 20. Za miesiac pražyvańnia ŭ apartamientach ahulnaj płoščaj 135 m² daviadziecca płacić 3 140 dalaraŭ štomiesiac. Z voknaŭ adkryvajecca vid na Ślapianku.
Dom 2015 hoda pabudovy. Kvatera całkam meblavanaja, jość technika. Aproč zvykłych pralnaj i pasudamyjnaj mašyn, tut jeść mašyna dla suški adzieńnia. Na ścienach u kožnym pamiaškańni visiać karciny.
U kvatery dva sanvuzły z žyrandolami. U adnym ź ich aproč dušavoj kabiny jość vanna. Nie abyšłosia biez karciny na ścianie.
La Trajeckaha
Roŭna ŭ try tysiačy dalaraŭ u miesiac aceniena čatyrochpakajovaja kvatera ŭ «Domie Čyža». Ahulnaja płošča — 124,5 m².
U kvatery vielizarnaja kuchnia-haścioŭnia na 44 «kvadraty» z vychadam na bałkon. A voś spalnyja i dziciačy pakoi nie takija vialikija — pa 12 mietraŭ.
Za 3 tysiačy dalaraŭ u miesiac arandatar atrymlivaje nie tolki kvateru, ale i miesca dla aŭto ŭ padziemnym parkinhu.
U kvatery dva sanvuzły, u kožnym jość vannaja. Uvachod u adzin ź ich idzie sa spalni.
Miarkujučy pa apisańni, dzie paznačana, što kvatera budzie volnaj ź vieraśnia 2022 hoda, znajści achvotnych zdymać u Minsku kvateru za try tysiačy dalaraŭ u miesiac nie prosta. Apošni raz abjavu abnaŭlali 6 śniežnia.
Dva ŭzroŭni ŭ samym centry
Jašče adna kvatera, za miesiac pražyvańnia ŭ jakoj daviadziecca płacić pa try tysiačy dalaraŭ, znachodzicca ŭ samym centry stalicy pa adrasie Kamsamolskaja, 27.
Kvatera dvuchuzroŭnievaja, ahulnaja płošča — 180 «kvadrataŭ». Na pieršym paviersie znachodziacca haścioŭnia z kaminam, stałovaja ź vialikim abiedziennym stałom, kabiniet, kuchnia, harderobnaja i vanny pakoj.
Na druhim paviersie — biblijateka-kabiniet, spalnia z vannym pakojem i saunaj. Jość parkovačnaje miesca ŭ haražy i ŭ dvary doma.
8 pakojaŭ
Nastupnymi pa darahaviźnie iduć kvatery, jakija možna arandavać za 2,5 tysiačy dalaraŭ u miesiac. Takich kvater u Minsku zdajecca kala 10.
Samaja vialikaja ź ich — vielizarnaja vaśmipakajovaja kvatera pa adrasie Hrybajedava, 4. Tolki žyłaja płošča składaje 205 m², ahulnaja — 350.
Haspadary nazyvajuć svajo žytło i ramont u im ekskluziŭnymi.
«Pry azdableńni vykarystoŭvalisia impartnyja i vysakajakasnyja materyjały», — havorycca ŭ apisańni.
Dyzajn u kvatery sapraŭdy na amatara. U vielizarnaj spalni staić łožak z bałdachinam.
Dziciačy pakoj raźličany na dźviuch dziaŭčynak.
Kvatera naličvaje čatyry sanvuzły, taksama majucca ŭłasnyja sauna i džakuzi. Jeść asobny pakoj z adzinym multyfunkcyjanalnym trenažoram i masažnym łožkam.
Razam z kvateraj arandatar atrymaje dva mašynamiescy ŭ padziemnym parkinhu i adno parkovačnaje miesca adrazu kala padjezda.
Vydatny vid na horad
A voś samaja maleńkaja kvatera za $2500 u miesiac maje ahulnuju płošču 105 m². Hetaja trochpakajoŭka znachodzicca na 24-m paviersie «Parusa».
«Z voknaŭ adkryvajecca vydatny vid na horad. Ujezd na terytoryju doma praz šłahbaum, kruhłasutačnaje videanazirańnie, achova 24/7. Na prydamavoj terytoryi abstalavana sučasnaja dziciačaja placoŭka. Ramont u kvatery vykanany pa dyzajn-prajekcie», — havorycca ŭ apisańni.
Aproč vyšejzhadanych kvater, u Minsku jość jašče kala 10 prapanoŭ, arenda jakich kaštuje kala 2000 dalaraŭ u miesiac.
Čytajcie taksama:
U Varšavie zdajuć kvateru płoščaj usiaho 9 m². Voś jak heta vyhladaje
Ad 1000 dalaraŭ za «kvadrat». Kolki kaštujuć kvatery ŭ novych ŽK Minska
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ150
Kamientary