Ahraharadok, zavod, pastaŭka techniki. Pra što damovilisia Łukašenka i Mbasoha
Biełaruś i Ekvataryjalnaja Hvinieja padpisali darožnuju mapu da 2026 hoda i damovilisia pra 74 prajekty. Alaksandr Łukašenka zajaviŭ, što bačyć tut rehijanalny chab pa prasoŭvańni biełaruskaj pradukcyi na rynki krain Centralnaj i Zachodniaj Afryki.
«74 kankretnych prajekty, jakija my pavinny realizavać u bližejšyja 2-3 hady. Zaŭtra pačynajem kapać ziamlu ŭ Hviniei i vyrašać prablemy», — zajaviŭ Łukašenka.
Jak piša BIEŁTA, darožnaja mapa pamiž Biełaruśsiu i Ekvataryjalnaj Hviniejaj raźličana da 2026 hoda.
U liku prajektaŭ:
- budaŭnictva ahraharadka ź infrastrukturaj;
- uźviadzieńnie sta sacyjalnych žyłych damoŭ;
- stvareńnie zavoda pa vytvorčaści kieramičnaj cehły mahutnaściu da 40 młn štuk u hod;
- pastaŭka pažarnych mašyn, budaŭničaj i inšaj techniki, u tym liku dla realizacyi sumiesnaha prajekta pa lesanarychtoŭcy i stvareńni novych sielhasuhodździaŭ;
- praviadzieńnie rabot pa elektryfikacyi addalenych rajonaŭ.
«Ja ŭžo nie kažu ab achovie zdaroŭja, adukacyi i hetak dalej», — dadaŭ Łukašenka.
Jość damoŭlenaści pa vyroščvańni asobnych vidaŭ sielhaskultur, adkryćci ahrachimičnych łabaratoryj i inšyja.
«Chacieŭ by asabliva adznačyć, što dasiahnuty pahadnieńni ab realizacyi pieršaha etapu stvareńnia rehijanalnaha chaba pa prasoŭvańni biełaruskaj pradukcyi na rynki krain Centralnaj i Zachodniaj Afryki», — zajaviŭ Łukašenka.
Biełaruski bok taksama pradastaviŭ hranty hviniejskim studentam dla navučańnia ŭ miedycynskich VNU na terytoryi Biełarusi. Akramia taho, Ministerstvy achovy zdaroŭja damovilisia ab arhanizacyi pierapadrychtoŭki ŭ Biełarusi daktaroŭ z Ekvataryjalnaj Hviniei.
Pavodle BIEŁTA, u chutkim časie ŭ Ekvataryjalnaj Hviniei zapracuje pasolstva Biełarusi. Čakajecca, što da kanca 2024 hoda pasolstva Ekvataryjalnaj Hviniei adkryjecca i ŭ Biełarusi.
Učora Alaksandr Łukašenka prylacieŭ u Afryku i pravioŭ pieramovy ŭ pašyranym składzie z kiraŭnikom Ekvataryjalnaj Hviniei Teadora Abianham Nhiemaj Mbasoha, jaki kiruje krainaj 44 hady.
Siarod tych, chto sustrakaŭ Łukašenku ŭ Ekvataryjalnaj Hviniei, byŭ i Viktar Šejman
Łukašenka prylacieŭ u Ekvataryjalnuju Hvinieju
U Ekvataryjalnuju Hvinieju adpraviłasia maštabnaja aficyjnaja delehacyja
«Delehacyja z Ekvataryjalnaj Hviniei kaštavała našu śmiatanu — jany byli prosta začaravanyja». Ministr pra płany na biełaruskuju małočku
Ciapier čytajuć
Staŭ viadomy poŭny śpis 18 fihurantaŭ «małočnaj spravy», padzielnikaŭ ministra Bryło i bratoŭ Skitavych4
Staŭ viadomy poŭny śpis 18 fihurantaŭ «małočnaj spravy», padzielnikaŭ ministra Bryło i bratoŭ Skitavych
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy44
Kamientary