Ceny na kvitki z Polščy ŭ Biełaruś vyraśli ŭ 2-3 razy. Kolki kaštuje źjeździć na navahodnija śviaty
Kvitki na mnohija rejsy z Varšavy ŭ biełaruskija harady ŭžo raspradadzienyja, a na tyja, što zastalisia, pieravozčyki ŭźvincili ceny ŭ niekalki razoŭ.
Minsk-Varšava-Minsk
Ceny na kvitki ź Minska da Varšavy blizkija da standartnych. Za vyklučeńniem 2 studzienia, kali cana pačynajecca z 200 rubloŭ.
U advarotnym kirunku, z Varšavy da Minska, zvyčajna možna dabracca za 110-140 rubloŭ. Kvitki pa takich cenach dasiažnyja i na vyjezd 12 śniežnia. Ale z nabližeńniem Kaladaŭ i Novaha hoda taryf pačynaje raści. Kvitki na piatnicu 15 śniežnia zastalisia tolki pa 200 rubloŭ z čałavieka. Na niekatoryja inšyja pieradśviatočnyja dni — pa 250 rubloŭ z čałavieka ŭ adzin bok.
Ale i heta nie tak šmat u paraŭnańni z kvitkami pa 350 rubloŭ.
Hrodna-Varšava-Hrodna
Z Hrodna da Varšavy ŭ kancy śniežnia možna dajechać za 100-110 rubloŭ. Heta zvyčajnaja cana.
Ale z advarotnym maršrutam niaprostaja situacyja. Naprykład, nabyć kvitki na sajcie pieravozčyka z vyjezdam z Varšavy na 21-23 śniežnia naohuł niemahčyma, bo jany ŭsie raspradadzienyja.
Zastałosia krychu kvitkoŭ z Varšavy da Hrodna z vyjezdam viečaram 25 śniežnia. Cana — 340 rubloŭ z čałavieka ŭ adzin bok. Takija samyja ceny i na 28 śniežnia.
A voś na studzień 2024 hoda kvitki z Varšavy da Hrodna kaštujuć užo ad 100 rubloŭ.
Kratnaje pavyšeńnie cany tłumačycca ŭzrosłym popytam. Na sajcie pieravozčyka paznačana, što heta vymušanaja miera, jakaja dazvalaje pryciahnuć bolš transpartu, kab miescaŭ chapiła bolšaj kolkaści pasažyraŭ.
Čytajcie taksama:
Kolki ciapier zajmaje prachodžańnie miažy? Biełarusy pra pajezdki ŭ ES na aŭtobusach i aŭto
U Varšavie zdajuć kvateru płoščaj usiaho 9 m². Voś jak heta vyhladaje
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary