Rasijskaje kamandavańnie sutyknułasia z prablemami na froncie i ciapier pa ŭzory biełahvardziejcaŭ stvaraje ŭdarnyja štrafnyja padraździaleńni z aficerskaha składu.
Jak raspavioŭ pad čas strymu Aleh Ždanaŭ, kamandujučy rasijskaj hrupoŭkaj «Dniepr» hienierał Michaił Ciaplinski vydaŭ zahad ab farmiravańni šturmavych padraździaleńniaŭ ź liku aficerskaha składu.
Pa słovach Ždanava, heta takija ŭdarnyja bataljony pa ŭzory biełahvardziejskich častak 1920-ch hadoŭ. Asnoŭnymi kryterami dla aficeraŭ, jakimi kamplektujuć šturmavyja padraździaleńni, źjaŭlajucca niazdolnaść da kamandavańnia padnačalenymi, asabistaja niedyscyplinavanaść i słabaja matyvacyja.
«Jany prydumali štrafnyja bataljony dla aficerskaha składu. Tych aficeraŭ, u jakich słabaja matyvacyja da ŭdziełu ŭ vajnie, adpraŭlajuć u takija šturmavyja bataljony», — źviartaje ŭvahu vajskovy analityk.
Sam ža Ciaplinski, pa danym raźviedki, nie karystajecca aŭtarytetam siarod vajennasłužačych. U pryvatnaści, jak raspaviadaje Ždanaŭ, jaho padnačalenyja śćviardžajuć, što jon nie kłapocicca ab zachavańni žyćcia asabistaha składu. Jon kidaje ludziej na «miasnyja šturmy». Hałoŭnaje — dabicca vykanańnia zahadu.
Čytajcie jašče:
Vajna va Ukrainie budzie biaskoncaj? Voś što miarkuje ekśpiert
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary