Hramadstva22

Turbiznes narakaje, što z-za dziaržaŭnych abmiežavańniaŭ jamu nie chapaje ekskursavodaŭ

12 śniežnia ŭ Mirskim zamku prajšoŭ vyjazny kruhły stoł, na jakim čynoŭniki ź Ministerstva kultury i inšych ustanoŭ abmiarkoŭvali prablemy turystyčnaj haliny z pradstaŭnikami muziejaŭ i turbiznesu. Padčas jaho prahučali skarhi na toje, što patrabavańni abnoŭlenaha Kodeksa ab kultury tarmoziać raźvićcio haliny, pakolki ŭ bujnych muziejach uźnikaje prablema z ekskursavodami. Pra heta paviedamlajecca na sajcie Respublikanskaha sajuza turystyčnych arhanizacyj.

U Niaśvižskim zamku. Zdymak ilustracyjny. Fota: Contributor Getty Images

Reč u tym, što ŭ Kodeksie ab kultury źmiaščajecca pałažeńnie, što «ekskursijnaje absłuhoŭvańnie naviedvalnikaŭ muziejaŭ ažyćciaŭlajecca tolki rabotnikami hetych muziejaŭ. Ekskursijnaje absłuhoŭvańnie naviedvalnikaŭ muzieja inšymi asobami zabaroniena».

To-bok ekskursavody, jakija atestavanyja Nacyjanalnym ahienctvam pa turyźmie, ale pry hetym nie źjaŭlajucca štatnymi supracoŭnikami muziejaŭ, nie mohuć pravodzić tam ekskursij.

Hetym letam turfirmy pa-sapraŭdnamu sutyknulisia z hetaj prablemaj u bujnych, zapatrabavanych u turystaŭ muziejnych kompleksach: Chatyni, Niaśvižskim zamku, Bresckaj krepaści i inšych. Štatnych supracoŭnikaŭ muziejaŭ prosta nie chapała dla absłuhoŭvańnia ŭsich sfarmavanych imi hrup.

Padčas sustrečy pradstaŭniki Ministerstva kultury abiacali znajści varyjanty i dapamahčy turbiznesu vyrašyć prablemy da budučaha aktyŭnaha siezona. 

Tak, jany paviedamili, što dla taho, kab źniać prablemu častkovaha niedachopu ekskursavodaŭ, jany chočuć pavialičyć hadziny pracy muziejnych supracoŭnikaŭ u śviatočnyja i vychadnyja dni. 

Na dumku pradstaŭnikoŭ turfirm, atestavanyja Nacyjanalnym ahienctvam ekskursavody, mnohija ź jakich pravodziać ekskursii pa samych značnych abjektach turystyčnaj muziejnaj infrastruktury bolš za 30 hadoŭ, robiać heta prafiesijna, i možna było b dapuścić ich (paśla prasłuchoŭvańnia) da praviadzieńnia ekskursij na samych zapatrabavanych abjektach.

Praŭda, pradstaŭniki Ministerstva kultury padkreślivali, što pra źmienu pałažeńniaŭ novaha Kodeksa ab kultury havorka iści nie budzie.

U apošnija hady ŭ Biełarusi zrabili bolš žorstkimi patrabavańni da ekskursavodaŭ, asnoŭnaja meta źmienaŭ — uklučyć ekskursavodaŭ u sistemu dziaržaŭnaj prapahandy i ŭstalavać nad imi žorstki ideałahičny kantrol. Naprykład, hetym letam Ministerstva sportu i turyzmu raspracavała dla ich śpis prafiesijnych i etyčnych patrabavańniaŭ.

Kamientary2

  • ap
    14.12.2023
    turbiźnies nojet...   a kak žie nojut v rajcientrach i obłastiach vo VSIECH hosstrukturach.... ludiej tupo NIET....  
  • krajevied
    14.12.2023
    ekskursovod stał političieskim propahandistom? do dna jeŝio daleko - smotrim na sieviernuju Korieju, tam vsia "istorija" strany načałaś s Kima.

Ciapier čytajuć

Hałyhina prymusili apraŭdvacca za zvarot da siłavikoŭ u 2020-m2

Hałyhina prymusili apraŭdvacca za zvarot da siłavikoŭ u 2020-m

Usie naviny →
Usie naviny

Nazvany top-25 kampanij ź biełaruskim kapitałam na Padlaššy

Hienštab Ukrainy paviedamiŭ, što straty Rasii pieravysili 1 miljon čałaviek6

Prezident Sierbii pachvaliŭsia, što nie padpisaŭ dekłaracyju samitu ŭ Adesie i «nie zdradziŭ» Rasii7

U minskim kafe zakazy razvozić robat-aficyjant

Chłopčyki ŭžo nie ŭ modzie? Baćki ŭsio čaściej chočuć dačok4

U Biełarusi znoŭ sabrali hrošy na lačeńnie dziciaci z SMA1

U najbližejšy čas Izrail moža ŭdaryć pa Iranie9

Amierykanski miljanier pryjechaŭ u Polšču, kab nabyć futbolny kłub, i naśmierć padaviŭsia varenikam14

SBU ŭkaraniła svajho ahienta ŭ maskoŭski ofis paplečnika Janukoviča, jaki zajmaŭsia špijanažam dla FSB1

bolš čytanych navin
bolš łajkanych navin

Hałyhina prymusili apraŭdvacca za zvarot da siłavikoŭ u 2020-m2

Hałyhina prymusili apraŭdvacca za zvarot da siłavikoŭ u 2020-m

Hałoŭnaje
Usie naviny →

Zaŭvaha:

 

 

 

 

Zakryć Paviedamić