Kala jołak u navahodniuju noč arhanizujuć filtracyjnyja punkty. Milicyja raspaviała svaje praviły «biaśpiečnaha» śviatkavańnia
Asnoŭnyja śviatočnyja mierapryjemstvy ŭ navahodniuju noč u Minsku zapłanavany kala Pałaca sportu, na Kastryčnickaj płoščy, u Vierchnim horadzie i na płoščy Paryžskaj Kamuny. Jak budzie ažyćciaŭlacca kantrol, raskazaŭ načalnik upraŭleńnia achovy pravaparadku i prafiłaktyki HUUS Minharvykankama Siarhiej Harochaŭ, pieradaje «Minsk-Naviny». Praviły i leksika siłavikoŭ nabližajucca da ŭmoŭ vajennaha času.
Jak piša vydańnie, padčas kancertaŭ na placoŭkach «tradycyjna buduć pracavać kantrolna-prapusknyja i filtracyjnyja punkty».
Dla invalidaŭ, vieteranaŭ i baćkoŭ z małaletnimi dziećmi zrobiać asobnyja kantrolna-prapusknyja abjekty.
Kala «kantrolna-prapusknych i filtracyjnych punktaŭ» ustalujuć kamiery zachoŭvańnia dla rečaŭ.
Nie dapuściać da ŭdziełu ŭ navahodnich mierapryjemstvach hramadzian, jakija majuć pry sabie srodki piersanalnaj mabilnaści ci chatnich hadavancaŭ.
— Usie miescy praviadzieńnia navahodnich mierapryjemstvaŭ my abśledujem z dapamohaj sapiorna-piratechničnych hrup i budziem kantralavać u dalejšym.
Da punktaŭ vialikaj kolkaści ludziej, jakija pryjšli atrymać asałodu ad śviatočnaj prahramy, my nablizim narady [milicyi], — raspavioŭ Harochaŭ.
Ciapier čytajuć
Ciahnik Pinsk—Minsk spyniŭsia pad Dziaržynskam biez aciapleńnia. Paśla prybyćcia ŭ stalicu pasažyraŭ razabrali ludzi z sacsietak i raźvieźli pa chatach8
Kamientary