Śviet1616

U Ispanii ŭpieršyniu ŭ rehijanalny parłamient abrali žančynu ź sindromam Daŭna

Na praciahu dziesiacihodździaŭ 45-hadovaja Mar Halseran zmahałasia za toje, kab ludzi ź intelektualnaj niedastatkovaściu byli častkaj farmavańnia paradku dnia krainy. Adnak stupień prahresu, dasiahnutaha joju, stała vidavočnaj tolki niadaŭna, kali Mar Halseran stała pieršym deputatam u Ispanii, jakomu dyjahnastavany sindrom Daŭna, piša Guardian.

«Hramadstva pačynaje bačyć, što ludzi ź sindromam Daŭna mohuć unieści vialiki ŭkład. Ale heta vielmi doŭhi šlach», — ličyć žančyna.

Jaje dasiahnieńnie rychtavałasia ciaham dziesiacihodździaŭ. Kali Halseran było 18 hadoŭ, jana ŭstupiła ŭ kansiervatyŭnuju Narodnuju partyju. Patrochu jana prasoŭvałasia ŭ partyjnym aparacie, a ŭ traŭni minułaha hoda była ŭklučanaja pad 20-m numaram u śpis kandydataŭ, jakich partyja vystaŭlała na rehijanalnych vybarach u Valensii.

Nieŭzabavie stała viadoma, što Halseran atrymała miesca ŭ rehijanalnym parłamiencie. Heta dasiahnieńnie vyvodzić jaje ŭ šerahi zusim niešmatlikich ludziej ź sindromam Daŭna, jakija pieraadoleli barjery, kab uvajści ŭ śviet palityki. U 2020 hodzie Eleanora Łału stała členam haradskoj rady Arasa na poŭnačy Francyi, a irłandziec Fintan Brej taksama byŭ abrany deputatam haradskoj rady ŭ 2022 hodzie.

U Ispanii Anchieła Bačyler jašče ŭ 2013 hodzie stała pieršym u Ispanii deputatam haradskoj rady ź sindromam Daŭna ŭ paŭnočnym horadzie Valjadalid. 

Adnak Halseran moža być pieršaj u Jeŭropie, chto ŭvajšoŭ u rehijanalny abo nacyjanalny parłamient, paviedamlaje Ispanskaja fiederacyja ludziej ź sindromam Daŭna. «My nie čuli ni pra kaho inšaha», — skazaŭ jaje pradstaŭnik.

Pierad hetym bolš za 20 hadoŭ Halseran pracavała na dziaržaŭnaj słužbie ŭ Valensii, apošnim časam dapamahajučy ŭ vypracoŭcy inkluziŭnaj palityki. Akramia taho, čatyry hady jana praviała na čale valensijskaj arhanizacyi Asindown, jakaja zajmajecca dapamohaj siemjam ź dziećmi ź sindromam Daŭna.

Kali pryniasieńnie Halseran parłamienckaj prysiahi było pryvitanaja ispanskimi ŚMI, to reakcyja ŭ internecie, pa jaje słovach, była nieadnaznačnaj.

«U sacyjalnych sietkach možna znajści ŭsialakaje», — skazała jana. «Jość ludzi, jakija mianie padtrymlivajuć. Ale jość i inšyja, jakija dumajuć, što ja niazdatnaja. Ale heta ludzi, jakija nie viedajuć ni mianie, ni majho pachodžańnia».

Jana spadziajecca, što svajoj prysutnaściu ŭ rehijanalnym parłamiencie dapamoža razburyć šmatlikija zababony, jakija praciahvajuć zastavacca ŭ hramadstvie, asabliva kali havorka idzie pra ludziej ź sindromam Daŭna. «Ja chaču, kab ludzi bačyli mianie jak asobu, a nie tolki praz pryzmu majoj invalidnaści».

Kamientary16

  • Palasatka
    09.01.2024
    Kali jość kampietencyja i dośvied, to čamu b i nie. Kali inkluziŭnaść dziela inkluziŭnaści, to pakazucha. Tak razumieju, u parłamient trapiła pa partyjnym śpisie, a nie za asabistyja hałasy. Hramadski skiepsis zrazumieły, iq takich ludziej vahajecca ad 20 da 75. Cikava pasačyć za plonnaściu pracy, ale ž žurnalisty zakanamierna "zabuducca" pra praciah historyi.
  • Šnmłor97ł
    09.01.2024
    Kastuś, da čto vy hovoritie, a kto u vas priezidient i jeho śvita ? ))
  • Kasia
    09.01.2024
    Kastuś, vam tak padajecca. Stupień (nie)dziejazdolnaści pry sindromie moža być roznaj. Jość ludzi-"harodniny", bo časta sindromu spadarožničajuć i inšyja mutacyi i chvaroby,, jość tyja, u kaho usio ok ź intelektam, prosta jość niekatoryja asablivaści. Roŭna jak i mientalnyja zachvorvańni mohuć być u roznych stadyjach. U psichijatryčnych klinikach znachodziacca abo zusim niedziejazdolnyja ludzi, ci pačyjenty ŭ vostrych stadyjach. Prosta čałavieka z šyzafrynijaj, nie ŭ vostraj stadyi, vy nie adroźnicie ad zvyčajnaha. Tamu dumaju takich u parłamientach taksama jość. A toje, što ŭ nas biudzi ź sindromam Dauna adno ŭ klinikach - to nastupstvy kiepskaj sistemy reabilitacyi i padtrymki. I ŭrešcie, lepiej takija deputaty ź sindromam Dauna, čym "zdarovyja" złodziei, jak u nas
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Kiraŭnik Lidy zaklikaŭ siłavikoŭ nie spyniać palityčnyja represii

Kiraŭnik Lidy zaklikaŭ siłavikoŭ nie spyniać palityčnyja represii

Usie naviny →
Usie naviny

«Vada z druhoha paviercha topić pieršy i traplaje ŭ lifty». Adzin z damoŭ u «Minsk-Śviecie» znoŭ papłyŭ3

Aŭtobus i mikraaŭtobus sutyknulisia ŭ Biarozaŭskim rajonie: 15 čałaviek paciarpieli

«Častku svajakoŭ ja adsiejała». Hamialčanka, jakaja žyvie ŭ Adesie, raspaviała pra adaptacyju da abstrełaŭ, ukrainskuju movu i svoj błoh8

Tramp zajaviŭ, što rakiety dla Patriot užo adpraŭleny va Ukrainu1

U Breście pierad 3 lipienia byli masavyja «previentyŭnyja» zatrymańni

«Viza nie pryznačanaja dla turyzmu». Biełarusa departavali z Polščy za «niametavuju» pajezdku ŭ Čechiju8

U Biełaruś prajezdam ź Jeŭropy zazirnuŭ prezident Indaniezii1

Siamihadovy chłopčyk naźbiraŭ amal 2 tysiačy rubloŭ za hod. Na što pojduć hrošy?2

Pucin adchilić ultymatum Trampa i rychtujecca da novaj eskałacyi va Ukrainie5

bolš čytanych navin
bolš łajkanych navin

Kiraŭnik Lidy zaklikaŭ siłavikoŭ nie spyniać palityčnyja represii

Kiraŭnik Lidy zaklikaŭ siłavikoŭ nie spyniać palityčnyja represii

Hałoŭnaje
Usie naviny →

Zaŭvaha:

 

 

 

 

Zakryć Paviedamić