Sierada, 10 studzienia, stała apošnim pracoŭnym dniom kramy ŭ Kamiennaj Horcy.
Hipiermarkiet «Prastor», jaki amal dziesiać hadoŭ pracavaŭ pa adrasie Kamiennahorskaja, 3, začyniŭsia. Infarmacyja pra heta źjaviłasia ŭ abjavie na dźviarach kramy, a taksama ŭ tyktoku sietki, piša Realt.by.
Naš mahazin zakryvajetsia s 11 janvaria 2024
Rolik nabraŭ amal 700 tysiač prahladaŭ, a ŭ kamientarach pakupniki stali dzialicca ŭspaminami ab kramie.
Chtości chvalić rulecik z łasosia z tvarožnym syram i sałata-bar, chtości — kulinaryju, bułački z bananam i šakaładam i kavu z kava-mašyny. Mnohija kamientatary prosta nastalhujuć. «Byvaj, častka majho dziacinstva!», — piša pakupnica pa imieni Saša.
Hipiermarkiet «Prastor» na Kamiennahorskaj, 3 adkryŭsia z ažyjatažam u 2014 hodzie. Jon zajmaŭ bolšuju častku HC, jaki ciapier naležyć «Karonie». Hetaja sietka i pryjdzie tudy na miesca «Prastoru». Dakładnaj daty adkryćcia pakul nie nazyvajuć, ciapier u kramu šukajuć kucharaŭ, kasiraŭ i inšych supracoŭnikaŭ.
U apošnija hady začynilisia niekalki kram «Prastor», a na ich miescy adkryvalisia hipiermarkiety Green. U 2019-m — u Šabanach i Čyžoŭcy, a ŭ 2020-m — u HC «Arena-Sici».
Ciapier u Minsku zastalisia dźvie kramy «Prastor» — kruhłasutačnaja na Dziaržynskaha, 126 i hipiermarkiet na Bahdanoviča, 132.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza15
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii1616
Kamientary