Słavutamu biełaruskamu fatohrafu było 66 hadoŭ.
Navinu pra śmierć vybitnaha biełaruskaha fatohrafa i kulturnickaha dziejača paviedamili Reform.by jaho siabry.
Uładzimir Parfianok pierastaŭ vychodzić na suviaź ź viečara piatnicy, 12 studzienia. Ciaham vychodnych siabry fatohrafa namahalisia źviazacca ź im, a ŭviečary 14 studzienia pryjechali da jaho dadomu. Na kvatery fatohrafa znajšli ŭžo miortvym.
Čas i pryčyny śmierci tvorcy vyśviatlajucca.
Uładzimir Parfianok — adna z vybitnych postaciej u biełaruskaj fatohrafii. Redaktar, fatohraf, pradstaŭnik «novaj chvali» tvorčaj fatahrafii 1980-ch, kuratar i adzin z zasnavalnikaŭ halerei vizualnych mastactvaŭ Nova, jon zrabiŭ vialiki ŭniosak u raźvićcio biełaruskaj fatahrafii i kultury. Udzielnik šmatlikich vystavačnych prajektaŭ u Biełarusi i za miažoj. Adzin z vykładčykaŭ Škoły fatahrafii ŭ Minsku. Kuratar Nacyjanalnaha centra sučasnych mastactvaŭ, Majsterni-muzieja Zaira Azhura. Pad jaho ŭpłyvam było sfarmiravana nie adno pakaleńnie fatohrafaŭ i krytykaŭ fatahrafii.
Aŭtar kultavych fotasieryj «Persona non-grata», «Lucida momenta», «Sad kamianioŭ» dy inšych. Siabra Biełaruskaha sajuza mastakoŭ i daradca ekśpiertnaha savieta Biełaruskaha hramadskaha abjadnańnia fatohrafaŭ.
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Kamientary