U Babrujsku sabutelnik žorstka zabiŭ tavaryša, ale nie zdoleŭ vyjści z kvatery, bo zajeŭ zamok
Tak i siadzieŭ kala trupa, pakul nie pryjechała milicyja.
Vypadak zdaryŭsia ŭ noč z 1 na 2 krasavika 2023 hoda. Dvoje mužčyn sumiesna pili, uźnik kanflikt.
U vyniku 49-hadovy mieścič nanios nie mienš za 50 udaraŭ rukami, farforavym hrafinam i nieŭstanoŭlenym pradmietam, ź ich nie mienš za 23 udaraŭ pryjšlisia pa hałavie, paviedamlaje Hienprakuratura.
Ad atrymanych ran, jakija pryviali da vonkavaha kryvacioku i krovaźlićcia ŭ miakkija tkaniny, masiŭnaj straty kryvi źbity mužčyna pamior.
Ale samaje cikavaje adbyłosia potym.
Zrazumieŭšy, što tavaryš pamior, abvinavačany pasprabavaŭ pakinuć kvateru, adnak nie zmoh hetaha zrabić z-za sapsavanaha zamka ŭvachodnych dźviarej. Paśla dźviery kvatery prymusova ŭskryli — vinavaty byŭ zatrymany na miescy zabojstva.
U sudovym pasiadžeńni mužčyna admaŭlaŭ svaju vinu. Śćviardžaŭ, što nie žadaŭ nastupleńnia śmierci svajho siabra.
Sud vynies nastupny vyrak: 18 hadoŭ z adbyvańniem u papraŭčaj kałonii va ŭmovach uzmocnienaha režymu.
Ciapier čytajuć
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ1
Kamientary