Zatrymali 11 mieniedžaraŭ sietki sekand-chendaŭ «Adzieńnie ź Jeŭropy»
Pa viersii dziaržkantrolu, uładalniki bujnoj sietki sekand-chendaŭ niezakonna razdrabnili svoj biznes i niedapłacili ŭ biudžet bolš za 3,8 miljona rubloŭ. Imavierna, havorka pra «Adzieńnie ź Jeŭropy».
U Homielskaj vobłaści raspačali kryminalnuju spravu suprać uładalnikaŭ sietki mahazinaŭ pa prodažy patrymanych rečaŭ. Ich abvinavačvajuć va ŭchileńni ad padatkaŭ, machlarstvie i ŭdziele ŭ złačynnaj hrupie.
Sama sietka nie nazyvajecca. Ale imavierna, heta kramy «Adzieńnie ź Jeŭropy» — ich šylda była pakazana ŭ siužecie telebačańnia. «Adzieńnie ź Jeŭropy» ŭvachodzić u trojku samych bujnych sietak sekandaŭ krainy.
Supracoŭniki kamiteta dziaržkantrolu pa Homielskaj vobłaści zajavili, što słužbovyja asoby kampanii, jakaja zajmałasia roźničnym prodažam adzieńnia i inšych tavaraŭ sekand-chend, arhanizavali schiemu ŭchileńnia ad padatkaŭ.
Jany stvaryli jašče 12 kampanij, aformili na ich novyja handlovyja kropki, i padzialali pamiž imi vyručku. Heta dało mahčymaść, pa viersii KDK, biespadstaŭna karystacca sproščanaj sistemaj padatkaabkładańnia. U vyniku biźniesmieny nie zapłacili bolš za 3,8 miljona rubloŭ padatku na prybytak i PDV.
Zatrymanyja 11 čałaviek. Pry siłavoj padtrymcy AMAP na majomaść fihurantaŭ nakładzieny aryšt — heta 15 abjektaŭ nieruchomaści, 8 aŭtamabilaŭ ahulnym koštam 5,5 miljona rubloŭ. Akramia taho, byli kanfiskavanyja 315 tysiač dołaraŭ ZŠA, 150 tysiač jeŭra i 500 hramaŭ zołata ŭ źlitkach.
Na dadzieny momant zatrymanyja ŭžo viarnuli 1,9 miljona rubloŭ u jakaści častkovaha pakryćcia škody, paviedamlaje KDK.
Roźničnaja sietka hetaj kampanii maje 97 kramaŭ u 12 haradach, u tym liku ŭ Minsku, Homieli, Hrodnie, Mahilovie i bujnych rajcentrach. Handlovyja punkty praciahvajuć pracu, ich dziejnaść nie prypyniałasia.
Taksama KDK asobna dadaŭ, što dvoje padazravanych majuć dačynieńnie da «ekstremisckaj» dziejnaści.
Ciapier čytajuć
Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza8
Biełaruska za svoj košt arhanizavała śviata ŭ rodnaj vioscy, jakaja amal vymierła. Pryjechali adnaviaskoŭcy navat ź Jeŭrasajuza
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary
Tak prochodit smiena pokolenii na skotnom dvorie łukašienko.