Hrodzienskija čynoŭniki ŭpryhožyli centralnuju vulicu płastykavymi kvietkami, choć spačatku abiacali žyvyja
Hrodziency zaŭvažyli jašče ŭ pačatku traŭnia, kali arki na Savieckaj vulicy stali ŭpryhožvać kvietkami, što častka ich — štučnyja. Praz dva tydni Hrodzienski harvykankam patłumačyŭ, čamu na ich zamianili raniej abiacanyja žyvyja kvietki, piša Hrodna.life.
Pieršapačatkova płanavałasia, što ŭsie 11 arak zapoŭniać kašpo z žyvymi kvietkami. Ale ad pieršapačatkovaj zadumki admovilisia. Vyšynia arak — 4,5 mietra, tamu dla palivu kvietak pryjšłosia b vykarystoŭvać śpiecyjalnyja płatformy.
«Heta zatratna i niazručna dla ludziej. U dadatak, usio ŭskładniajecca nizkimi hirlandami «zornaha nieba». Akramia taho, nam nie chaciełasia b, kab pry kropielnym palivie vada vypadkova traplała na minakoŭ», — raskazaŭ dyrektar «Hrodnazielanbuda» Andrej Siamančyk.
Pra niebiaśpieku traplańnia vady na minakoŭ raniej vykazvalisia i žychary horada.
U telehram-kanale Hrodzienskaha harvykankama taksama patłumačyli, čamu kvietkavuju kampazicyju na Starym moście zrabili chvalepadobnaj. Letaś nie ŭsie haradžanie acanili zadumku. Tamu supracoŭniki «Hrodnazielanbuda» ŭstanavili kvietki takim čynam, kab jany nie zakryvali vid na Nioman i zamki.
Ciapier čytajuć
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary