Rumynski kandydat, jaki prajhraŭ na prezidenckich vybarach, asprečvaje ich vyniki
Lidar ultrapravych i prarasijskich sił u Rumynii Džordže Simijon, niahledziačy na toje, što raniej pryznaŭ svaju parazu na prezidenckich vybarach, ciapier vyrašyŭ asprečyć ich vyniki. Jon padaje skarhu ŭ Kanstytucyjny sud, śćviardžajučy, što vybary prajšli z parušeńniami, anałahičnymi tym, jakija raniej stali padstavaj dla admieny pieršaha turu vybaraŭ u śniežni minułaha hoda, piša «Jeŭrapiejskaja praŭda».
Simijon śćviardžaje, što adbyŭsia tak zvany «vybarčy turyzm» u Małdovie i što na vyniki vybaraŭ paŭpłyvali zamiežnyja dziaržavy — u pryvatnaści Małdova i Francyja. Jon navat spasłaŭsia na słovy zasnavalnika Telegram Paŭła Durava, nibyta francuzskija ŭłady cenzuravali srodki kamunikacyi jahonaj partyi. Simijon patrabuje, kab pierad pryznańniem vynikaŭ vybaraŭ hetyja pakazańni byli ŭličanyja.
Niahledziačy na padadzienuju skarhu, sam palityk pryznaŭ, što šancaŭ na pośpiech u Kanstytucyjnym sudzie ŭ jaho mała. Jon taksama zajaviŭ, što jahonaja partyja nie budzie ŭdzielničać u inaŭhuracyi novaha kiraŭnika dziaržavy.
Varta adznačyć, što Simijon adrazu paśla vybaraŭ pryznaŭ svaju parazu i pavinšavaŭ pieramožcu — prajeŭrapiejskaha mera Bucharesta Nikušora Dana, jaki nabraŭ 53,6% hałasoŭ. Ciapier ža jon tłumačyć, što zrabiŭ heta dziela praduchileńnia hvałtu.
Simijon zajaŭlaje, što kali jaho skarhu adchilać, heta nibyta budzie aznačać, što ŭ Rumynii adbyłosia machlarstva z metaj parušeńnia voli naroda.
Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»7
Kamientary
Miecienaty i sponsory iz Rośsii, triebujut riešitielnych diejstvii.