Supracoŭnika mytni asudzili za ŭdzieł u adnym z maršaŭ 2020 hoda
U sudzie Leninskaha rajona Minska 21 śniežnia 2023 hoda asudzili Vitala Pupina pavodle č. 1 art. 342 (arhanizacyja i padrychtoŭka dziejańniaŭ, jakija hruba parušajuć hramadski paradak, abo aktyŭny ŭdzieł u ich) Kryminalnaha kodeksa. Sudździa Maryna Klimčuk pryznačyła supracoŭniku mytni dva hady i šeść miesiacaŭ abmiežavańnia voli biez nakiravańnia ŭ papraŭčuju ŭstanovu adkrytaha typu («chatniaj chimii»), piša «Viasna».
Žychara Fanipala abvinavacili va ŭdziele ŭ Maršy adzinstva 6 vieraśnia 2020 hoda i ŭ vychadzie na prajeznuju častku. Mužčynu ŭtrymlivali pad vartaj z 3 listapada 2023 hoda, a paśla abviaščeńnia prysudu vyzvalili ŭ zali suda. Jon całkam pryznaŭ vinu.
Asnoŭnymi dokazami pa spravie źjaŭlajucca fotazdymak z Marša, danyja mabilnaha apieratara ab znachodžańni abanienckaha numara i pakazańni samoha abvinavačanaha. Padčas pieratrusu doma ŭ supracoŭnika mytni vyjavili majku fijaletavaha koleru, u jakoj jaho apaznali na fotazdymku z pratestu. Paśla prysudu majku viarnuli.
Vital Pupin skončyŭ Biełaruski dziaržaŭny ekanamičny ŭniviersitet, u sudovaj pastanovie paznačana, što na momant vyniasieńnia prysudu mužčyna pracuje načalnikam siektara mytnaha dekłaravańnia ŭ tavarystvie z dadatkovaj adkaznaściu. Maje na ŭtrymańni niapoŭnahadovuju dačku.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary