Biznesoŭca, zasnavalnika inviestycyjnaj kampanii Concord Capital zatrymali na ŭkrainska-polskaj miažy. Ihar Maziepa nakiroŭvaŭsia na Suśvietny ekanamičny forum u Davosie.
Dziaržaŭnaje biuro rasśledavańniaŭ zatrymała ŭčora biznesoŭca pa spravie ab niezakonnaj pryvatyzacyi ziamielnych učastkaŭ u Kijeŭskaj vobłaści — u materyjałach spravy Maziepa paznačany «zakazčykam zavałodańnia ŭčastkami», piša «Ukrainskaja praŭda».
Siońnia razhladałasia pytańnie ab abrańni miery strymańnia — abarona zajaviła pra zaanhažavanaść pracesu.
Padčas pasiadžeńnia advakaty Maziepy ahučyli chadajnictvy ŭ sudzie:
- — ab praviadzieńni tranślacyi z zały suda na aficyjnych resursach Piačerskaha suda.
- — ab advodzie prakurora pa spravie z-za praduziataha staŭleńnia i parušeńni prezumpcyi nievinavataści.
Abarona zajaviła, što ŭ tekście padazreńnia bok abvinavačvańnia śćviardžaje jak fakt, jaki adbyŭsia, što Maziepa ździejśniŭ złačynstva.
Advakaty Maziepy taksama zajavili što ŭ piatnicu kala vośmaj ranicy im uručyli čatyry tamy spravy, nad jakimi DBR i prakuratura pracavali 10 hadoŭ. Adnak u abarony było ŭsiaho 3-4 hadziny na padrychtoŭku.
Sudździa admoviŭ va ŭsich chadajnictvach, u tym liku pra advod sudździ.
Ihar Maziepa paśla prakamientavaŭ chadajnictva prakuroraŭ pra zakład 700 miljonaŭ hryŭniaŭ (18 młn dalaraŭ).
«Prakurory prosiać u jakaści miery strymańnia dla mianie zakład u pamiery 700 młn hryŭniaŭ. Nie 700 hryŭniaŭ (18 dalaraŭ), nie 700 tysiač hryŭniaŭ ($18 000), a 700 miljonaŭ hryŭniaŭ. I jašče 500 młn hryŭniaŭ za majho brata. Heta značyć, jak minimum 1,2 miljardy hryŭniaŭ za spravu ($31 młn), dzie nibyta straty składajuć 7 miljonaŭ» (184 tysiačy dalaraŭ), — aburyŭsia biznesmen.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary