Žurnalisty znajšli Kolu Łukašenku ŭ sacsietkach i daviedalisia, čym jon tam zajmajecca
Žurnalisty «Nastojaŝieho vriemieni» znajšli elektronnuju skrynku i numar telefona małodšaha syna Łukašenki ŭ adkrytych danych — na sajcie rasijskaha VNU.
Danyja znakamitaha studenta bijafaka BDU byli ŭ adkrytym śpisie ŭdzielnikaŭ kanfierencyi Ivanaŭskaha dziaržaŭnaha enierhietyčnaha ŭniviersiteta imia Lenina. Tam byli dźvie jaho elektronnyja skryni i biełaruski numar telefona ź piaćciu nulami.
Žurnalisty pahladzieli, jakija akaŭnty zarehistravanyja ŭ siecivie na takija danyja.
Akazałasia, što ŭładalnik mabilnaha numara z takim ža nikam, jak i na elektronnaj skryni — nik20121314 — uvachodzić u praŭładnyja čaty, stvoranyja ŭ 2020 hodzie.
U vajbiery ŭ jaho na avatarcy — fatahrafija ź viertalota, źniataja nad miescam niepadaloku ad Astrašyckaj škoły.
Taksama čałaviek z unikalnym dla internieta nikam raniej dzialiŭsia na śpiecyjalnych sajtach rašeńniem školnych zadač — jakraz u tyja hady, kali Mikałaj vučyŭsia ŭ škole.
A jašče Mikałaj hulaje ŭ stralałki. Hulec pad nikam nik20121314 zachaplajecca «Stałkieram».
U instahramie sapraŭdnaha akaŭnta Koli ciapier niama, a ŭ Pinterest — čatyry padpisčyki, mahčyma, adnakurśnicy i adnakłaśnicy.
Na zvanok žurnalistaŭ małodšy syn Łukašenki nie adkazaŭ.
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia18
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary