Jak kot Kłaŭdyi Šyfier staŭ zorkaj №1 na pakazie filma «Arhajł», adciaśniŭšy inšych zorak na druhi płan
Čyp siadzieŭ u zaplečniku, niby kasmanaŭt u rakiecie pierad startam, ale nikudy, viadoma, nie startavaŭ.
Takich halivudskich zorak, jak Semiuel Ł. Džeksan, Brajs Dałas Chovard i Hienry Kavił, niaprosta adsunuć na druhi płan, ale na premjery filma «Arhajł» heta zrabiŭ Čyp — kot supiermadeli Kłaŭdyi Šyfier, piša Bi-bi-si.
Na druhich rolach u toj viečar akazalisia taksama takija znakamitaści, jak Dua Lipa, Sem Rokueł, Brajan Krenstan i Brajs Dałas, jakija taksama pryjšli na premjeru špijonskaj kamiedyi «Arhajł» na Lester-skvier u Łondanie.
Šyfier pryniesła Čypa, pakolki jon taksama źniaŭsia ŭ filmie, pastaŭlenym jaje mužam, i kot, jakomu nie pryvykać da papularnaści, pryciahnuŭ usiu ŭvahu fatohrafaŭ, apierataraŭ i prosta žurnalistaŭ.
U Čypa 13 tysiač padpisčykaŭ u Instagram, i, samo saboj, tam taksama źjavilisia fatahrafii z hetaj premjery.
Čypa možna było razhledzieć praz vypukły płastykavy iluminatar u zaplečniku ź firmovymi dla filma ŭzorami ŭ vyhladzie rombaŭ.
Takija zaplečniki vyrablajucca na zakaz — śpiecyjalna dla biaśpiečnaj transparciroŭki katoŭ.
Claudia Schiffer's cat steals the show on ‘Argylle' movie premiere red carpet https://t.co/UIzGCHZk3v pic.twitter.com/ms04pkUtBm
Čyp siadzieŭ u zaplečniku, niby kasmanaŭt u rakiecie pierad startam, ale nikudy, viadoma, nie startavaŭ.
Niajasna pra što jon dumaŭ. Mahčyma, pra toje, što kali vočy pryhožyja i źniešnaść pryvabnaja, nie takaja heta, akazvajecca, i składanaja sprava — stać zorkaj sučasnaha kino.
Režysior filma Mećju Von i Kłaŭdyja Šyfier žanatyja z 2002-ha hoda.
U filmie Čyp syhraŭ Ałfi — kata, jaki naležyć aŭtaru špijonskich ramanaŭ Eli (aktrysa Brajs Dałas Chovard).
Henry Cavill and Claudia Schiffer at Argylle world premiere in London pic.twitter.com/xk0weoWWJI
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3131
Kamientary