Hurt «Bi-2» znachodzicca ŭ centry zatrymańnia mihracyjnaj palicyi na Pchukiecie
Hurt «Bi-2» upieršyniu vyjšaŭ na suviaź paśla svajho zatrymańnia ŭ Tajłandzie. Pa słovach muzykaŭ, ich kancerty ŭ Tajłandzie prachodzili aficyjna i z pryciahnieńniem miascovych arhanizataraŭ, ale zatrymali ich z-za niapravilna aformlenych dakumientaŭ.
Paśla suda, dzie muzykaŭ aštrafavali, i jany na miescy zapłacili štraf, «Bi-2» znoŭ byli zatrymanyja.
Ciapier muzyki čakajuć, kali ich pieraviaduć u Banhkok, adkul hrupa budzie departavanaja, jak paviedamlałasia ŭčora, pa miescy vydačy pašparta.
Siarod artystaŭ jość hramadzianie RF, Aŭstralii i Izraila. U zajavie asobna padkreślivajecca, što salisty hurta — Lova i Šura — nie zjaŭlajucca hramadzianami Rasii.
«My na suviazi z MZS Izraila, jaho pradstaŭniki ŭ Tajłandzie ŭdzielničajuć u vyrašeńni situacyi. Razam z tym da miesca našaha ŭtrymańnia nie puścili aŭstralijskaha konsuła.
Dziakujem našych prychilnikam za ŭdzieł i padtrymku. Nie možam spaborničać u chutkastrelnaści z taksičnaj mašynaj prapahandy, ale pa miery mahčymaści budziem infarmavać pra toje, što adbyvajecca z nami», — napisali ŭdzielniki hurta i padziakavali prychilnikam za padtrumku.
Hrupu «Bi-2» zatrymali na Pchukiecie paśla ich kancertu, jaki prajšoŭ 24 studzienia.
Pavodle kanała «MO», palavańnie na zorak z antyvajennaj pazicyjaj u Tajłandzie idzie pa zamovie MZS Rasii.
«Bi-2» byŭ stvorany ŭ 1988 hodzie ŭ Babrujsku. Zasnavalniki i niaźmiennyja ŭdzielniki — Šura Bi-2 i Lova Bi-2. U skład kamandy taksama ŭvachodziać Andrej Zvankoŭ, Maks Łakmus, Barys Lifšyc i Jan Nikolenka.
U mai minułaha hoda Miniust Rasii ŭnios muzykanta Jahora Bortnika (Lova «Bi-2») u rejestr «inahientaŭ». U Miniuście tady zajavili, što Bortnik vystupaŭ suprać rasijskaha ŭvarvańnia va Ukrainu, niehatyŭna vykazvaŭsia pra Rasiju, jaje hramadzian i orhanaŭ dziaržaŭnaj ułady.
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary