Hetyja vierniki adnosiać siabie da RPC i ličać, što technałohii ličbavaj identyfikacyi «niasuć ryzyki i pahrozy nacyjanalnaj biaśpiecy». Jany napisali zvarot da ŭładaŭ.
Zvyš 600 žycharoŭ Biełarusi admovilisia ad atrymańnia pašparta i žyvuć biez asnoŭnaha dakumienta, jaki paznačaje asobu. Pra heta Katolik.life stała viadoma sa zvarotu hrupy viernikaŭ, jakija adnosiać siabie da RPC Maskoŭskaha patryjarchatu. Zvarot z metaj zboru podpisaŭ raspaŭsiudžvajuć pa tematyčnych čatach. List adrasavany ŭładam Biełarusi, kiraŭnikam viedamstvaŭ, u tym liku MUS i KDB, a taksama mitrapalitu Vienijaminu.
U zvarocie havorycca pra toje, što padpisanty «nie zhodnyja z naviazanymi zvonku technałohijami rasčałaviečvańnia ŭ pracesach uliku i identyfikacyi hramadzian». Ź ich słoŭ, «hetyja technałohii niasuć ryzyki i pahrozy nacyjanalnaj biaśpiecy».
«My ŭdziačnyja za vyrašeńnie piensijnaha pytańnia, za mahčymaść prajezdu pa tałonach i h.d. ale viartańnie da tradycyjnaj identyfikacyi pa proźviščy, imieni, a nie pa numary asoby dla tych, chto prosić, da hetaha času nie zrobleny. Heta ciahniecca bolš za 20 hadoŭ. Biez pašpartoŭ ludzi nie mohuć realizavać svaje pravy. Abapirajučysia na pazicyju carkvy, vierniki nie zmahli pierastupić praz svaje pierakanańni, sumleńnie, ćviarozy rozum. Žyvuć biez dakumientaŭ. Takich bolš za 600 čałaviek», — śćviardžajecca ŭ zvarocie.
Zajaŭniki patrabujuć «zamacavać na zakanadaŭčym uzroŭni tradycyjnyja papiarovyja dakumienty, jakija zaśviedčvajuć asobu — pašparty, dazvoły na žycharstva, paśviedčańni biežanca i inš. Bieź ličbavaha identyfikatara asoby, bijamietryčnych źviestak, čypaŭ i inšych elektronnych uviadzieńniaŭ».
Hrupa viernikaŭ śćviardžaje, što «identyfikacyjny numar z mašynasčytvalnaj zonaj nazapašvańnia danych i inš. časta pryznačanyja dla sumniŭnych metaŭ, jakija niasuć usiamu čałaviectvu pahrozu. Znachodziacca jany ŭ adzinym banku danych — u adnych rukach — sa štab-kvateraj u Ženievie».
Akramia taho, jany ličać, što «ŭniasieńnie ŭ bazu dadatkovych, bijamietryčnych, danych — heta jašče i pahroza biaśpieki: vajennaj, duchoŭnaj, kibierbiaśpieki». Idei pra admovu ad ličbavaj identyfikacyi raspaŭsiudžvajuć u Biełarusi pad upłyvam padobnaha ruchu ŭ Rasii.
U svaim zvarocie hrupa viernikaŭ spasyłajecca na pazicyju RPC i słovy patryjarcha Kiryła, choć niadaŭna Minskaja jeparchija BPC užo adkazvała na taki zvarot, zajaviŭšy, što «niepravamierna abhruntoŭvać admovu ad ličbavych identyfikataraŭ asoby relihijnymi pierakanańniami, a taksama na asnovie relihijnych pierakanańniaŭ patrabavać zamieny elektronnych mietadaŭ uliku alternatyŭnymi».
Kamientary
a ZAO "Siekta RPC" dažie za rielihiju nie sojdiot... imienno SIEKTA.