Apytańnie, praviedzienaje pierad Miunchienskaj kanfierencyjaj pa biaśpiecy, pakazała nižejšaje ŭsprymańnie vajny Rasii suprać Ukrainy jak vialikaj pahrozy dla miru ŭ paraŭnańni ź letašnimi vynikami. Pra heta havorycca ŭ dakładzie z vynikami apytańnia Munich Security Index, paviedamlaje «Jeŭrapiejskaja praŭda».
U apytańni źbirali danyja respandentaŭ u 12 krainach pa 32 roznych ryzykach, kab adsočvać źmianieńnie tendencyi z časam.
Heta reprezientatyŭnyja vybarki pa 1000 čałaviek z krain «Hrupy siami» i BRIKS, za vyklučeńniem Rasii, pa asobnych pytańniach apytańnie pravodzicca taksama va Ukrainie. Zbor danych adbyvaŭsia ŭ kancy kastryčnika — pačatku listapada.
U paraŭnańni z kancom 2022 hoda «prasieli» amal usie indykatary, źviazanyja z vajnoj Rasii suprać Ukrainy.
U letašnim apytańni Rasija zastavałasia samaj vysokaj ryzykaj u piaci krainach G7, zaraz heta — tolki ŭ Vialikabrytanii i Japonii.
U niemcaŭ zaniepakojenaść rasijskaj pahrozaj zaraz na siomym miescy, u francuzaŭ — na šostym, u Italii — na 12-m.
Usiaho ŭ krainach G7 rasijskaja pahroza ŭ 2022 hodzie ŭsprymałasia jak samaja vialikaja prablema, a ŭ apytańni kanca 2023 hoda apynułasia na čaćviortym miescy.
Prykmietna ŭzrasła zaniepakojenaść mahčymaj masavaj mihracyi ŭ vyniku ŭzbrojenych kanfliktaŭ ci źmien klimatu, a taksama radykalnaha isłamisckaha teraryzmu, asabliva ŭ Jeŭropie i Paŭnočnaj Amierycy.
Tak, u Hiermanii i Francyi aściarohi adnosna mihracyi i teraryzmu zaraz na pieršym miescy, u Italii jany — nastupnyja ŭ śpisie paśla «klimatyčnych» pahroz.
Siarod krain G7 taksama prykmietna vyraśli chvalavańni adnosna pahrozy z boku Irana.
U ZŠA najbolšaj pahrozaj bačać kibierataki, na druhim miescy — palityčnaja palaryzacyja ŭ hramadstvie, na trecim — pahroza Kitaja.
Indykatary, źviazanyja z navakolnym asiarodździem i źmianieńniem klimatu, amal va ŭsich krainach uvachodziać u pieršuju trojku pahroz.
Hubiernatar Kalininhrada zajaviŭ, što Imanuił Kant maje pramoje dačynieńnie da vajny va Ukrainie
Pasoł Biełarusi ŭ Rasii nazvaŭ absurdam mierkavańnie pra stratu suvierenitetu z-za intehracyi z Rasijaj
«Ja nie budu vas abaraniać, budu zaachvočvać Rasiju rabić usio, što im zachočacca». Tramp zhadaŭ staruju razmovu z sajuźnikami pa NATA
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ19
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary