Śviet44

U Rasiei čakajecca deficyt bananaŭ praz sankcyi suprać Ekvadora. Ale tam znajšli vyjście — treba vyroščvać svaje

Vynik raspačataj Maskvoj u pačatku lutaha handlovaj vajny z Ekvadoram staŭ zrazumieły usiaho praz tydzień. Kiraŭnik Centra halinovaj ekśpiertyzy Raśsielhasbanka Aleh Kniaźkoŭ paviedamiŭ, što praź miesiac u Rasiei pačniecca deficyt bananaŭ i samaje razumnaje ŭ hetaj situacyi — heta pačać vyroščvać banany ŭ Rasiei, naprykład u Krasnadarskim krai, piša «Ahientstvo».

Usio pačałosia z taho, što ŭ studzieni ŭrad Ekvadora vyrašyŭ pieradać ZŠA dla Ukrainy svaju staruju savieckuju techniku, a ŭ abmien atrymać novuju amierykanskuju. 

Reakcyja Rasiei nie prymusiła siabie doŭha čakać: u pačatku lutaha Raśsielhasnahlad znajšoŭ u Ekvadorskich bananach škodnuju muchu-harbatku i z 5 lutaha prypyniŭ ich ekspart. 

Niešta padobnaje raniej Maskva pravaročvała nie raz z samymi roznymi praduktami z roznych krain, ź jakimi znachodziłasia ŭ napružanych adnosinach. Sens u tym, kab apanient Rasiei na svaim kašalku adčuŭ maštab abureńnia ŭ Kramli. 

Taksama, vierahodna, usio pavinna było pracavać i ŭ hety raz. Ekvador moža stracić da 754 młn dalaraŭ za hod, bo abmiežavańni zakranuć bolš za 30% pastavak Respubliki ŭ Rasieju, paviedamlali RIA Novosti.

Kala tydnia rasiejskaja prapahanda paviedamlała, što zamianić banany z Ekvadora nie składzie vialikaj prablemy. Składanaściaŭ z pastaŭkami bananaŭ u Rasieju čakać nie varta, pisaŭ 6 lutaha TASS. Ekvador nie adziny vytvorca bananaŭ u śviecie: siarod inšych lidaraŭ na rynku — Indyja i Kitaj. Praktyčna adrazu ź Indyi była dastaŭlena pieršaja partyja bananaŭ na źmienu ekvadorskim, pieradavaŭ «Pieršy kanał».

Ale niahledziačy na ŭsie zapeŭnivańni prapahandy, praktyčna adrazu banany źnikli z palic kram u Čelabinsku.

Ciapier ža Raśsielhasbank kaža, što praź miesiac deficyt stanie ahulnanacyjanalnym. Jak raspavioŭ «Hazietie.Ru» kiraŭnik Centra halinovaj ekśpiertyzy dziaržaŭnaha Raśsielhasbanka Aleh Kniaźkoŭ, adčuvalny niedachop bananaŭ pačniecca prykładna praź miesiac, kali dojduć raniej adpraŭlenyja partyi.

Paźniej da Rasiei pavinny dajści banany ź Indyi, ale pakul ich pastaŭki zatrymlivajuć łahistyčnyja ciažkaści, udakładniŭ ekśpiert. Jon taksama skazaŭ, što z Ekvadoram viaducca pieramovy ab adnaŭleńni pastavak. 

A datul, jak miarkuje Kniaźkoŭ, časovy niedachop možna kampiensavać za košt vyroščvańnia bananaŭ u Rasiei. «Paśpiachovy dośvied pa aklimatyzacyi trapičnych raślin užo pravodzilisia ŭ Krasnadarskim krai», — udakładniaje «Hazieta.Ru».

Kamientary4

  • Jak ža ciapier baby ražać buduć
    13.02.2024
    Achachacha, śmiechdziaržava zastałasia bieź jaic i bananaŭ))
  • Banan
    13.02.2024
    Banana vam
  • Dyjetołah
    13.02.2024
    Niachaj maskavity repu ci jahiel hryzuć, navošta im banany.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam2

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Usie naviny →
Usie naviny

Jak za hod źmianilisia ceny na nieruchomaść u bujnych haradach. Stalica nie ŭ lidarach rostu

Miełoni i Makron pasvarylisia nakont Ukrainy. Mierc starajecca ich pamiryć5

Pravy kandydat Simijon niečakana prajhraŭ na vybarach prezidenta Rumynii i ŭžo pryznaŭ parazu3

Fiermiery narakajuć: uradžaj budzie mały. Takich častych zamarazkaŭ nie nazirali apošnija 30 hadoŭ5

U Džo Bajdena znajšli rak u ahresiŭnaj formie3

U Polščy ŭ druhi tur vychodziać mer Varšavy Tšaskoŭski i historyk Naŭrocki 32

Ekzit-poły ŭ Rumynii: Centryst Dan pieramahaje na vybarach sa značnym adryvam15

Prahramistka ź Minska: Ja zarablaju 12 tysiač rubloŭ u miesiac. Pry hetym praktyčna ŭvieś chatni pobyt na mnie12

«Jak kupiła sukienku na śmierć 38 hadoŭ tamu, tak i lažyć». Babula ź vioski pakazała svoj kufar2

bolš čytanych navin
bolš łajkanych navin

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam2

Što za 17-hadovy startapier, jaki vyliŭ cebar chłuśni na Libiera na radaść biełaruskim śpiecsłužbam

Hałoŭnaje
Usie naviny →

Zaŭvaha:

 

 

 

 

Zakryć Paviedamić