«Jon viedaŭ, što nie vierniecca žyvym» — žurnalist pra apošni palot Navalnaha
Palitahladalnik Bild Pieter Cide supravadžaŭ Alaksieja i Juliju Navalnych na rejsie avijakampanii «Pieramoha» ź Bierlina ŭ Maskvu 17 studzienia 2021 hoda.
Jak uzhadvaje žurnalist, na borcie apazicyjanieru zładzili avacyju, ściuardesy brali ŭ jaho aŭtohrafy, a piłoty vyśmiejali rašeńnie dyśpietčaraŭ nie sadžać samalot va Unukavie, dzie sabraŭsia mitynh. Nibyta z-za ŭmoŭ nadvorja im zahadali lacieć u Šaramiećcieva, usiaho za niekalki kiłamietraŭ. Lotčyki skazali pasažyram, što tam nadvorje «fantastyčnaje».
«Jon viedaŭ, jon skazaŭ mnie pra heta, što, napeŭna, nie zmoža viarnucca z krainy žyvym. My sfatahrafavalisia ŭ samalocie: jon na miescy 13A, Julija pobač, ja ŭ prachodzie. Jon hladzieŭ mulciki, — uspaminaje Cide. — Jon skazaŭ mnie, što viedaje, što jaho čakaje. Što jon viedaje, što jahony apošni palot u Rasiju moža stać palotam u śmierć. Što režym i jaho zaklaty vorah u Kramli žorstka adpomściać jamu. <…> U samalocie paśla pryziamleńnia Navalny skazaŭ: «Heta najlepšy momant za piać miesiacaŭ. Adčuvaju siabie vydatna. Narešcie ja viartajusia dadomu».
Jon kazaŭ, što nie čakaje, što jaho aryštujuć, bo jon nievinavaty. Ale jon viedaŭ: jany schopiać jaho. I jany heta zrabili».
Cide adznačaje, što Navalny prosta nie razhladaŭ mahčymaści zastacca ŭ Niamieččynie i ŭznačalić rasijskuju apazicyju za miažoj.
«Jon nie prosta chacieŭ viarnucca — jon pavinien byŭ. U svaju Rasiju, jakuju jon nie chacieŭ pakidać zabojcy za ścienami Kramla. U Niamieččynie jon adčuvaŭ siabie tyhram u zaaparku, — uspaminaje žurnalist. — Jon mnie tak i skazaŭ: «Na adlehłaści ničoha nie źmieniš».
Zabojstva Navalnaha moža być sihnałam Zachadu ad vielmi kansiervatyŭnaha kryła Kramla — žurnalisty Bild
«Jon pamior, nie złomleny tyranijaj» — Barak Abama pra śmierć Alaksieja Navalnaha
Unačy nieviadomyja ŭ cyvilnym razburyli miemaryjały Alaksieju Navalnamu ŭ Maskvie i rehijonach
«Hadzińnik cikaje». Bajden uskłaŭ adkaznaść za śmierć Navalnaha na Pucina i nahadaŭ pra Ukrainu
U roznych haradach śvietu adbylisia akcyi pamiaci Navalnaha FOTY
Julija Navalnaja: Chaču, kab Pucin, jaho atačeńnie viedali, što jany paniasuć za toje, što jany zrabili z našaj krainaj, maim mužam, adkaznaść
Mierkiel: Ja była nadzvyčaj spustošana, daviedaŭšysia pra śmierć Navalnaha
Jakoje pasłańnie Navalny pakidaŭ na vypadak svajoj śmierci
Kamientary