U Jekaciarynburhu FSB zatrymała hramadzianku ZŠA. Zaviali spravu ab dziaržzdradzie
Sud adpraviŭ žančynu ŭ SIZA.
«U Jekaciarynburhu spyniena supraćpraŭnaja dziejnaść 33-hadovaj žycharki horada Łos-Andželes, jakaja maje dvajnoje hramadzianstva Rasii i Złučanych Štataŭ Amieryki, jakaja maje dačynieńnie da akazańnia finansavaj dapamohi zamiežnaj dziaržavie ŭ dziejnaści, nakiravanaj suprać biaśpieki našaj krainy», — havorycca ŭ zajavie FSB.
Na žančynu zaviali kryminalnuju spravu ab dziaržaŭnaj zdradzie (art. 275 KK RF). Sud adpraviŭ jaje ŭ SIZA, piša Bi-bi-si.
Pa śćviardžeńni rasijskaj śpiecsłužby, ź lutaha 2022 hoda, heta značyć z momantu pačatku vajny Rasii suprać Ukrainy, padazravanaja «inicyjatyŭna ažyćciaŭlała zbory hrašovych srodkaŭ u intaresach adnoj z ukrainskich arhanizacyj», jakija nibyta nakiroŭvalisia na nabyćcio «pradmietaŭ taktyčnaj miedycyny, ekipiroŭki, srodkaŭ paražeńnia i bojeprypasaŭ» dla VSU.
FSB taksama pastaviła ŭ vinu žančynie toje, što ŭ ZŠA jana nieadnarazova ŭdzielničała ŭ akcyjach u padtrymku Ukrainy.
Zatrymańni padazravanych u padtrymcy Ukrainy ŭ vajnie z Rasija adbyvajucca rehularna, mnohija aryštavanyja stanoviacca fihurantami spraŭ ab dziaržzdradzie.
Ciapier čytajuć
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku1
Papularnuju tyktokierku z Łuninca, jakaja ratavała biazdomnych žyviolinaŭ, asudzili za palityku
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3131
Kamientary